Borem Kelear

Borem Kelear
- Sung by LORNA

Borem kelear jivitan borem meutolem,
Vaitt kelear fuddarak vaitt zatelem,
Borem kelelem borem Devak pautelem,
Vaitt kelolem vaitt farikponn ditelem

Fulam roixi jivit bhor fulam mautolo,
Kantte roilear sodamcal kantte niutolo,
Borea rostean vexi bore zage bonvtolo,
Vaitt rostean gelear vaitt zagear pautolo,

Borem korxi, tor ugddas kortolo pelo
Melear mhunnot boro munis moron gelo,
Zor dusreank nagoun aponn girest zalo,
Melear mhunntele melo to boro melo

Peleak borem kelear vaitt tujem zauchemnam,
Dilolem dobrandan meulear bogor rauchemnam
Peleak dukhoit tor konnak sukh meuchemnam
Vaitt korxi tor konn borem bhogunk pauchem nam

Borem kelear jivitan feliz astolo,
Vaitt kelear jivit bor koxtt sonstolo,
Peleak buzvonn divxi, Dev dukham pustolo,
Dusreank roddoixi ek dis roddonk bostolo

Melea uprant zoddtecho dis to etolo,
Borem vaitt kelam tachem Dev kont ghetolo,
Borem kelear sorg tuca ugto zatolo,
Vaitt kelam tor somptoch infernant vetolo
Vaitt kelam tor somptoch infernant vetolo....