Sanny de Quepem-chea Ugdassak Hea Tin Vers Bhettoitam

Sanny de Quepem-chea Ugdassak Hea Tin Vers Bhettoitam
- Jacinto Noronha


I

Cruz Sanny Vaz mevchona tacho jivo tavo
Kuwait Farwaniya To Amchea Sezareak ravo
Gorjea akantak To rokdoch dhavon pavo
Chintunk nam moron itlea vegim zait mhunnon favo.


Chorus

Devan Taka Bhorlolo Sabar Denneanim
Partist, Kantorist, Composer, Organist Bhavanim
Hem boroup kortam kalzachea zavanim
Tachea osle composer Kuwait-an chodd nant anim.

II

9 tarik Novembrachi Tea disa ‘Goa Day’ aslo
Korem sangpak mhuntlear anv Goa Day-ak voicho naslo
Apun kantar mhunta ani Tum ena, Ixtt tum koslo
Tachim utram aikon anv etam mhunn sangatan boslo

Chorus

Show kobar zatokoch ami eile sangatan
Ami dogui, tacho bhav Sandip-achea Vanette-an
Bhavak sanglem soda hadd goodnight mhunnon gelo flat-an
Bhav soda gheun etach sanglem vosonk zai ‘Clinic-an’.

III

Sandip-an ani bhavan Taka Clinic-an velo
Apun ekloch cholon To Clinic-an bhitor gelo
Nurse-in Doctor-ak apoin Taka khatir nidonk kelo
Oxygen laitoch don uskar sodun To somplo.

Chorus

Aiz mhoino sompta, ugdass kortam Sanny-cho
To Ixttuch nhoi bhav koso aslo mogacho
Godta tor adhar korpi also To zogacho
Magtaum Dhonia Deva thaim zago favo korunk Sorgincho!


_______________________________________________
Magtaum Sanny-chea otmeank ek Amchea Bapa ani
ek Noman Mori korunk Rozar Aiz tachea mornacha
poilea mhoinneachea ugdassak.

Kuwait, 9/12/2007