MHAKA JIENK ZAI

MHAKA JIENK ZAI



I
Sat vorsam mogan sarlelim, eka mekak tim patienaslim
Alinch tannim sakrament zoddlolo
Sukak dogaim axetalim, vhodd-vhodd sopnam sopnetalim
Kotta tea sopnancher kalluk poddlo

Chorus
Ghov kallzan than mog kori bailecho, bailekui aplo ghov chodd mogacho
Moromsor mogan bhonvonk utor dilelem
Ghov okosmat bhion utto ratcho, birankul bhes pollovnk diso tacho
Poieat suki ekvottak tanchea kitem zalem

II
Ghov dukhi, soglloch choddfoddta, bail khas povn dukanim roddta
Roddo ‘avchit sukh ubon gelem’
Vhodd-vhodd dotorank dakoita, bail magnnim, angovnneo korta
Punn kainch ek ghovak boreak poddo naslem

Chorus
Blood cancer mhunn bailek dotor gomoita, salvar zavpacho dubav dakoita
Mhunntta to fokot ekuch voros urtolo
Dotoranchea babddi paem poddta, pixi koxi zavn dukanim buddta
Punn hem itlem korun, kosloch faido nam zalo

III
Bail ghovak dubav dakoinam, mog aplo unnem korinam
Roddta mortolo mhunnon eka vorsan
Ghovachi tokli doronam, bhagon veta boreaponn nam
Ek dis bailek vinchar korta forsan

Chorus
Roddta ‘Dhoniam mhaka salvar tum kor, moji bail eksuri zor hanv morot tor
Bhurgeponnim mojer moronn dhaddinaka
Moji asa titlii tum girestkai vhor, punn ghal mojer tuji doieall nodor
Moje baile passot Dhoniam mhaka jienk zai’
Moje baile passot Dhoniam mhaka jienk zai’


(Dom's Antique Shelf - Domnic Fernandes/Anjuna, Goa)

For Konkani Music Online and Konkani Music clips,
visit www.goa-world.com/goa/music/

SAUD

‘SAUD”
- Juju


Atam, bab Sanny ani bai Cindichea logna disak, bab JuJu, tanchea manank, ek saudichem kantar mhunttolo.

I
Munis zat rochtannam Devan khuim dadleak rochlo
Eksurponn somponk ostorecho sangat dilo
Tednam than ostore-dadleacho ekvott zalo
Ho sonvsar tanche svadin kelo
Mogan bonvon sonsot vaddoieat kaido ghalo
Eok novo sacrament ghoddlo

Chorus
Hoch ekvott dadlea-bailecho aichea somazan
Assa kazari sacramentachea rupan
To ekvott bandta padri, Devachea navan
Ghov-bail zatat fuddar vaddovnk sonvsarant
Formaitat cholonk eka-mekachea mogan
Bhas ditat dogaim vantto gheunk sukan-dukhan
Zo ekvott ghott bandun dila Devan
Morosor soddumnaie munxean

II
Dadlea tum korun ghetai ostorek tuji potin
Ghoran bhitor kaddtai hath ghalun tichea hathin
Vaitt-bori zaum fuddarak tuji sangatin
Dogainim hem voddem tanddunk zai ikmotin
Dadleachem jivit adurem ostore vinn
Somzikai assot tor ekvott moddonk kottin

Chorus
Dogainim khoro eka-mekacho mog korit tor
Tea mogak dusrem kainch zainam sor
Dogaimchea modem khoro sozmut assot tor
Dubav kednanch sorchonam bhitor
Bailen zavunk zai ghovachea hathancho pavor
Sodanch ghorkarak tujea tum mogan bhor
Hoch mog tache familik tuvem diit tor
Dubav nam fuddar tumcho sukhachi zor

III
Zaite pavtti ghov-bailam modem sozmut asonam
Tea ghorabeant kednanch sukh-xanti disonam
Kednanch dubav montin dovrunk favonam
Dubava oslo anik dusman sonvsarant nam
Je ghov-bailek eka-mekacher, visvas nam
Tea ghorant, kednanch sovostkai aschinam

Chorus
Khorench ho aicho dis tumkam khoxecho
Zoddlo dekun tumi sacrament kazaracho
Bab Sanny aiz than tum ghorkar bai Cindicho
Ho ekvott morosor tumi sambavcho
Vavrat dogainim fuddar korunk sukacho
Ghorabo tumcho zanvdi namuno mogacho
Mogan bonvat axirvad astolo Devacho
Porbim divun magtam tumcho fuddar boro zanvcho
Fuddarar tumchea uzvadd ghal anvddo amcho


From Dom’s antique shelf!

Moi-mogan,
Domnic Fernandes
Anjuna/Dhahran, KSA

_________________________________________________________________

“DHONIAM DEVA BAPA”

Jacinto Vaz’s famous song of the sixties
“DHONIAM DEVA BAPA”

“JACINTO & H. BRITTON IN CONCERT AT MANGALORE”

Dhoniam Deva Bapa – ah-ah-ah, ah-ah-ah,
ah-ah-ah, ah-ah-ah
Soglo ho soumsar tujea-aa-aach hatha-aa-aa-aa-aa-aa-aan
assa-ah-ah-ah, ah-ah-ah
Thoddeank Deva tum sodanch hansoita – ah-ah-ah, ah-ah-ah,
ah-ah-ah, ah-ah-ah
Ani amkam Goemkarank kiteak tum–um-um-um roddoita-ah-ah-ah,
ah-ah-ah, ah-ah-ah?

Chorus

Bhailea lokak Deva tum zaite duddu dita
Amchea Goemchea putank saiba tum fottoita
Blek korta tea munxeank tum khoxen poita
Ami moddko kheulear, amcho moddkoi voita

Repeat Chorus
Last line to read:
Ami sorti kaddlear, amcheo sorti voita Dhoniam Deva,
Goemcho lok kitlo kastig kaddta–ah-ah-ah, ah-ah-ah,
ah-ah-ah, ah-ah-ah
Boriemchea pular bosi thamboun loka-aa-aa-aak
denvoun cholo-u-u-u-un dhatta-ah-ah-ah, ah-ah-ah
Ani konn blek korta te ratcho choriam ma-aa-aa-aa-aal
haddta-ah-ah-ah, ah-ah-ah
Ani lokachim ghoram chorun loka-aa-aa-aa-kui
jitech marta-ah-ah-ah, ah-ah-ah

Chorus

Maguir chorank dhorta, dusrea dissa soddtatTe maguir porot
ietat ani daram moddtat
Chorunk mevonam tor gomtter surieo voddtatRatche fator
marun goramche nolle foddtatRepeat chorus
Dhoniam Deva, Goemcho radio sodanch jemeta–ah-ah-ah,
ah-ah-ah, ah-ah-ah, ah-ah-ah
Khuimcheai vogtar radio ghatlear ah-ah-ah, ah-ah-ah,
ah-ah-ah, ah-ah-ah ieta
Ami Goemkar Konkani kantaram aikonk axeta–ah-ah-ah,
ah-ah-ah, ah-ah-ah, ah-ah-ah
Punn amcho Goemcho radio sodanch boje–e-e-e-e-e-e-e
kaloita-ah-ah-ah, ah-ah-ah, ah-ah-ah

Chorus

Maguir radio tum lai, radiacho melo pai
Radio choloiteleanchea dollear eilea sai
Kednaim kantaram ietat tinvui kacheakai
Amkam Goenkarank Konkani subeij zai

Repeat Chorus


Moi-mogan,
Domnic FernandesAnjuna/Dhahran, KSA

“JIVIT EK SOPON”

“JIVIT EK SOPON”
- by Antonette & Romeo Mendes

Legend: A = Antonette; R - Romeo

A: Ha-ha-ha-ha-ha-ha-ha-ha-ha-ha-ha-ha
Ha-ha-ha-ha-ha-ha-ha-ha-ha-ha-ha-ha

I
A: Chintlear mojem, jivit ek sopon
Noxib kallokan, ravlem lipon
Asleanv dogaim, sangatan ximpon
Khoro mog amchea, kallzan vompon

Dialogue:

A: Zanant tumi, mozoi novro asa
Ani to fokot mhaka cimitirin mevta
Ani mozo khu-u-u-u-p mog korta
Atam to mhaka mellonk ietolo

Chorus
R: Lal-la-la-la-la-la-a-a-a
A: Ho poi to, ho poi to ailo
R: Lal-la-la-la-la-la-a-a-a
A: Darling I love you
R: Lal-la-la-la-la-la-a-a-a
La-la-la-la-a-a

R: Kitlo teomp pasun tum moji, pollovn ravteleim vatt
A: Tujea vinnem ravonozo, ugddass ieta dis rat
R: Sangatan bonvtalevm, ghalun hathan hath
Derepent mornan, getlo mozo ghat

II
A: Xikleanv dogaim, ekech Collegin
Mogachem amchea, kallzak poddlem khinn
Sonvsar koddu, lagta tuje vinn
Fugar zavn roddtam, konnancher korum xinn

Dialogue:

A: Zannaim Brian, lok mhaka pixem mhunntat
Kiteak zannaim, ami mog kortanv mhunnon
Punn tum mhaka mevtoch, hanv sogllem visortam darling
Khorench hanv tuka sangtam, hanv sogllem visortam

Chorus
R: Lal-la-la-la-la-la-a-a-a
A: Lal-la-la-la-la-la-a-a-a
R: Lal-la-la-la-la-la-a-a-a
A: La-la-la-la-a-a

R: Tujea kallzan mhaka dovrun, ogddaitai ankvarponn
A: Ekleachoch hanvem mog kela, dusreacher lagonam mon
R: Sakrament zoddunk pavlonam, sukachem dar zalem bond
R: Koslo faido ghevn, bonvtai pixeaponn

III
A: Dogaimcheo chitti, vachun igorzanim
Kazar zavnk asleanv, thoddeach disanim
Dorun geloi, mogachi nixanni
Kazari amrut, chaklenam dogaimnim

Dialogue:

A: Resperadis, hanv igorjen vetelim
Deddo, fulancho turo mojea hathan divn, mojea poleacho kiss getolo
Magir padri amchem resper kortolo
Uprant, tum mozo poti ani hanv tuji potin
Ha-ha-ha-ha-ha-ha-a-a

Chorus
R: Lal-la-la-la-la-la-a-a-a
A: Lal-la-la-la-la-la-a-a-a
R: Lal-la-la-la-la-la-a-a-a
A: La-la-la-la-a-a

R: Fuddar kor tujea jivitak, ghalun bonvonakaim fas
A: Avaz tuzo aikonk ieta, mhaka tum disonaim khas
R: Moron moji mathi zali, zavnk kazar dileli bhas
Porot tuka mevchonam, itlean sodd moji as

>From Dom’s antique shelf!

Amitabh Bachchan has been a close friend of the late Romeo Mendes and his wife,
Antonette. As a token of their friendship, Amitabh lent his voice for
Antonette’s first audio cassette titled “Jivit Ek Sopon”. The introduction
of the audio cassette begins with Amitabh’s following dialogue:

AMITABH BACHCHAN: “Hanv, Amitabh Bachchan, tumchea mukar haddta,
Antonetachi poili Konkani cassette “Jivit ek Sopon” (Life is a dream). I
wish Antonette all success. Hanv, Goa zaite pavtt pavlam. Goa ani Goencho
lok mhaka ekdom boro lagta. Dev Borem Korum.”

(I, Amitabh Bachchan, present Antonette’s first Konkani cassette “Jivit ek
Sopon” (Life is a dream). I wish Antonette all success. I have been to Goa
many times. I like Goa and Goans very much. Thank you.)

On behalf of Goans, I wish Amitabh Bachchan Many Happy Returns of the Day
and a very happy birthday. We wish him all the best in his life.

Moi-mogan,

Domnic Fernandes
Anjuna/Dhahran, KSA

11th October

"UGDDAS FLOREAN VAZ-ACHO"

"UGDDAS FLOREAN VAZ-ACHO"
- by Rock Dias



Hi khori ghoddnnim, fott sangom nezo
Sogleam potrancher, vochot thuim gazo
Azun passun, kortat ugddas tuzo
Kitench kelear ugddas ho vocho nezo
Kitench kelear ugddas ho vocho nezo

Konknni choddli vollir, Florean martir melo poilo
Taka konnem zait hea porim marunk lailo
Hitler Inspector-an hukum aplo choloilo
Anik gorib ghoracho divo paloilo

Ugddas kelear, dukh bhogta mhaka
Hath zoddun mago, mhunno ‘marinaka’
Far tacher marunk, dukh dislenam taka
Martannam vinchari “Konknni zai tuka?”
Martannam vinchari “Konknni zai tuka?”

Salcete Agallim hea ganvan tum ravtalo
Kednaim vatten vetannam mhaka mevtalo
Tea disa tum nimannem jevonn jevtalo
Jevtannam far tuje kuddin rigoilo

Goenkaram modem, korun zati vadd
Poieat he munis, kosle zait nadd
Osleam munxeancher, Dhoniam tuji nit dhadd
Nam tor te Goenkaranchem ghaltelet padd
Nam tor te Goenkaranchem ghaltelet padd

Goenkaranchi bhas Konknni ek pettleli vath
Tika lagon Goenchea putanim jiv dilet sath
Tankam marun rogtan buddoilet tannem hath
Torui astannam kelo visvas-ghath
Torui astannam kelo visvas-ghath
Torui astannam kelo visvas-ghath

Moi-mogan,
Domnic Fernandes
Anjuna/Dhahran, KSA

JINGLE BELL

“JINGLE BELL”
- by H. Britton

I
Chintun ankvar cheddeanchem, mojem kalliz dukovta
Kazar borem nhoi mhunnon te ankvaruch ravta
Devan ghoddla sacrament, tumi kiteak dubavta
Vorsanchim vorsam voklank ghevn ankvar bonvta

Chorus
Oh! Jingle bell, jingle bell, married life is well
Kazar zanvk kiteak pattim sortai re Gabriel
Oh! Jingle bell, jingle bell, vokol tuji Michelle
Veginch kazar za nam tor Michelle zait parcel

II
Kazarachi idad zatoch kazar zavnk zai
Zantte piraer bhurgi vokol sodunk bonvonakai
Doth subeij mevteli mhunnon pattim ravonakai
Kazar zainam mhunnon dusrea ponnang zata pai

Chorus
Oh! Jingle bell, jingle bell, jingle all the way
Husband-wife, married life, enjoy every day
Oh! Jingle bell, jingle bell, be happy and gay
Bailek ghevn dansak voch - Christmas, New Year day

III
Kazar borem nhoi mhunn tuka konn dita budi
Hum tumko bolta hai jaldi banao re shadi
Sontos bhogtolo vokol bottak ghaltoch mudi
Uprant melgor korun kha ghora voile dudi

Chorus
Oh! Jingle bell, jingle bell, listen my brother
Tum mhunttoloi ho khuimcho ailo Christmas Father
Oh! Jingle bell, jingle bell, Dev dita adhar
Kazar zavn vorsa bhitor bailek kor mother


(From Dom’s antique shelf!)

Lyrics of one of H. Britton’s hit songs titled “Jingle Bell”
- it’s not the Christmas Carol but a comedy song set on its tune.

Domnic Fernandes
Anjuna/Dhahran, KSA

_________________________________________________________________

SORGA RAJEAN

"Sorga Rajean"

Lyrics and Music: Chris Perry
Sung by Lorna Cordeiro



Naum tujem bitor rigoilam calzant kantun,
Utram tujim dovorleant monant guntun.
Churchure moje kele nant tuven mat pun
Atam chodfodtai kiteak tum roddtai mojem chintun

Chorus

Fugar tum zai naka, bextoch roddonaka
Maca kela to puro re, dusreak ghat korinaka.
Mojea passot uskenaka, Devan bokshilam maca
Sorga rajean assam re,focot rautam tuca.

Khursak utor dilolem, vati pettoun
Rozar ami kelolem, upkar attoun
Mudi tuvem gatleli, sobit nettoun
Sanddun tum gueloi, cazarui zaloi, maca fottoun.


Chintunk naslelem anvem, zaitench boglem
Dukounk hea calzak mojea, koshem laglem
Sanddunaka mun maka, at zoddun maglem
Lagon hea mogac, fuddo kelo sorgak, soddun soglem.


(Forwarded by Silviano Barbosa)

CALANGUTE

"Calangute"

Lyrics and Music: Chris Perry
Sung by Lorna Cordeiro



Khoshalponn divunk jivak purem
Mudans korunk zai zalear borem
Maiachea muineant lokachem birem
Kongottche praier tondgar varem.

Chorus

Lok thoimsor hanson Khellon uddtta
Sukhnim doriachea larar buddtta
Kharvim sokaumchim ramponn voddta
Burguim matiechim goram goddta.

Kitlem sobit tum Goa amchem
Neketr vortouta touristanchem
Satisfasaum tum Goenkaranchem
Sounsarak famad naum Kongottchem.

Bailea ganvcho lok pollounk ieta
Polloun Calangut khoshi zata
Vodlo abru man tuca dita
Khoshal borit zaun gara veta.

NOSHIBAK RODDTAM

"Noshibak Roddtam"

Lyrics and Music: Chris Perry
Sung by Lorna Cordeiro



Cantar korun diss muje sartam
Chintun moga noshibak roddtam

Calzan tan mog kelo
Jurament dilo
Abghat korun guelo
Calzak toploi balo.

Molbailea neketrar
Zalelim jurar
Zaunchim noim munn ami
Kednach separar.

Fottkiro mog kori,
Ghott maca venguent dhori,
Atam roddtam aum
Dukhancheo zori.

Kitlem caliz nibor
Aikon khobor
Sandlem munon maca
Zalem zobor.


(Forwarded by Silviano Barbosa)

LISBOA

"Lisboa"

Lyrics and Music: Chris Perry
Sung By Lorna Cordeiro

I

Sodanch chinttalim, vetelim mun re Lisboa
Nouro assa thoimsor, aum assam re Goa
Chintlelem chintop, purem zalear puro re Deva
Khoshi zatelim, polloun tem Lisboa.

II

Despez zalear zaum, thoimsor aum vetelim
Noureak meutoch aum, Cazarui zatelim
Lisboacho gaum, khoxen aum poitelim
Poitoch Lisboa, Viva re Goa
Gara etelim.

Repeat 1 then 2 then 1 again


(Forwarded by Silviano Barbosa)

KONKNNICHE MARTIR

KONKNNICHE MARTIR
- by Querobina Carvalho

I
1986, ottra Dezembrachi, dukhi zalet Goenkar
Zonn eka Goenkarachea gollean, poddlo to dukhacho har
Don-tin dis suriean kallok ghatlolo, dhoriea thond aslo nastannam lhar
Karann Konknnik lagon sat zann jiv divn, melet mhunn kuddir ghevn far

Chorus
Poiloch Florian Vazacher jevtannam pulisen far soddlo
Konknni khatir tum martir meloi punn, itihasan ugddass urlo
Uprant Chari ani Agxekarancho Dongre, Mandur boball vhoddlo
Tannem sov zann Agxekar bhavancho, far soddun jiv kaddlo

II
Bhavank tujea hal korun martat mhunn, salvar korunk John zal’loi raji
Guneanv nastannam tuka marlo mhunn, familik buzvonn moji
Amkam soddun vocho nakat bhavanim, mhunnon roddtalo khuim Caji
Anik konnankuch kainch ek sanglenam, hich nimnni zap tuji

Chorus
Avoi naslelea bhurgeancho sambav kori Inas, tegam bhurgeancho pai
Tuvuim moron bhurgim eksurim zalim, chintun kalliz roddta hai
Mathew hache kuddik burak poddlelet, paroi ghevun khuim ghatlele ghai
Batim mhaka dista Judevanche, familiche zavnk zai

III
Florino tujea mornanchem chintun, ak’kem Goyem roddlelem
Hea bhurgeachi koiten gomtti katrun, moddem vatter poddlelem
Nak, dollo ani kan kaddun zokun, moddem tujem doriean soddlelem
Moddem ghora haddunk ganvchea lokan, ek voddem daddlelem

Chorus
Krimidoranche familichem borem zanv, famil taka assa tor
Meleleanche othme Chari, tuka soddchenant ugddas dhor
Satui zannancho hanv ugddas korun, lok aiz roddta sogllem Goyem bhor
Konknninchea martireank Dhoniam, sorginchem raj favo kor
Konknninchea martireank Dhoniam, sorginchem raj favo kor
Konknninchea martireank Dhoniam, sorginchem raj favo kor

From Dom’s antique shelf!

“ADEUS KORCHEA VELLAR”

“ADEUS KORCHEA VELLAR”
- by Alen Costa


Balo boslo mojea kallzar
Ami doxim zanvchea vellar
Naka dislo sogllo sonvsar
Moga adeus korchea vellar

Mojea lagim anik kaim ek naslem
Othmo ani kalliz tukach dilem

Chintnam ubon gelim varear
Gupit ekloch zalom fugar
Dukam denvlim mojea polear
Moga adeus korchea vellar

Dukham dektoch dolleam mukar
Kalliz dukin zalem thonddgar
Roddlom chintun khontincho bhar
Moga adeus korchea vellar

Vegim mevcheak, magtam Deva lagim
Ekttaim zanvcheak, novean dogaim ami

Nimnno abras dinvchea vellar
Kalluk ailo mojea dollear
Chintnam motin riglim sabar
Moga adeus korchea velar

(From Dom’s antique shelf)

SOGLLEO ROMANSI VACHUNU

SOGLLEO ROMANSI VACHUNU
(Mando)


Soglleo romansi vachunu
Moga tuka kaddlo re vinchunu
Soglleo romanxi vachunu
Moga tuka kaddlo re vinchunu
Tujea lagim kazar zatolim mhunnu
Kitlo teomp ankvar ravlim hanvu
Tujea lagim kazar zatolim mhunnu
Kitlo teomp ankvar ravlim hanvu

Ai-ai adeus moga
Mog mozo visrunaka
Hea mojea ankvarponnar tempa
Ai-ai adeus moga
Mog mozo visrunaka
Hea mojea ankvarponnar tempa

Rat-dis nident hanv sopnetam
Disa tukach re ontregtam
Rat-dis nident hanv sopnetam
Disa tukach re ontregtam
Soglleam santank rozar kortam
Tujem zanvcheak santank ulo martam
Soglleam santank rozar kortam
Tujem zanvcheak santank ulo martam

Ai-ai adeus moga
Mog mozo visrunaka
Hea mojea ankvarponnar tempa
Ai-ai adeus moga
Mog mozo visrunaka
Hea mojea ankvarponnar tempa

Tujich vatt hanv polletalim
Tuje beij ghevnk axetalim
Tujich vatt hanv polletalim
Tuje beij ghevnk axetalim
Ugddas ietoch hanv roddtalim
Deva lagim kakut hanv magtalim
Ugddas ietoch hanv roddtalim
Deva lagim kakut hanv magtalim

Ai-ai adeus moga
Mog mozo visrunaka
Hea mojea ankvarponnar tempa
Ai-ai adeus moga
Mog mozo visrunaka
Hea mojea ankvarponnar tempa
* * * * * * * * * *
Fulola mogrecho kollo
Amgelea zonela sokolo
Fulola mogrecho kollo
Amgelea zonela sokolo

Teche velo kaddinozo dollo
Sobit to disota itulo
Teche velo kaddinozo dollo
Sobit to disota itulo

Agustinho Bamnnamlo cholo
Gonvddelea Jakinank bhulolo
Agustinho Bamnnamlo cholo
Gonvddelea Jakinank bhulolo
* * * * * * * * * *
Voilea ranan kattakoi
Kattakoi kaddta pilam
Voilea ranan kattakoi
Kattakoi kaddta pilam

Kattakoi kaddta mhunn pilam
Tumkam konnem sangilam
Kattakoi kaddta mhunn pilam
Tumkam konnem sangilam

Kaddta zalear kaddumdi pilam
Tantieam ghalinastannam
Kaddta zalear kaddumdi pilam
Tantieam ghalinastannam

Amgea baiek tumger diumchem mhunn
Oxem ami evjilam
Amgea baiek tumger diumchem mhunn
Oxem ami evjilam
* * * * * * * * * *
Bannavliche Monti sokolo
Roddtai kole - choi-choi-choi
Bannavliche Monti sokolo - roddtai kole

Muje baraborche ankvar chole
Kazar zalet - choi-choi-choi
Muje baraborche ankvar chole - kazar zalet

Ani kazar zainu bore suttole
Vignantule - voi-voi-voi
Ani kazar zainu bore suttole - vignantule

* * * * * * * * * *

Choi-choi-choin-choinu, choire choinu, choin oll’lle moje dolle
Amger matxe eixi zalear polle
Choi-choi-choin-choinu, choire choinu, choin oll’lle moje dolle
Amger matxe eixi zalear polle
Amger matxe eixi zalear polle
Amger matxe eixi zalear polle

SILVER JUBILEE

“SILVER JUBILEE”
- Sung by: Antonette, Romeo, Judy, June, Lara

Legend: A&R = Antonette & Romeo; JJL = Judy, June, Lara



I
A&R: Munis sonvsarant ieta tednam, Dev boroita noxib munxeachem
Sonvsarantli dovlot kabar zait, ghevn vexi tor suk jivitachem
Ghov-bailecho ekvott uronk, ekvottak zai bessanv Devachem
Ponchvis vorsam sangat korunk, hem vortovta noxib dogaimchem

Chorus
JJL: Vatt cholon altarachi, bandli gantt sakramentachi
Ami celebrate kortanv tumchi, Silver Jubilee kazarachi
Vatt cholon altarachi, bandli gantt sakramentachi
Ami celebrate kortanv tumchi, Silver Jubilee kazarachi

II
A&R: Mog korun ami kazar zal’leanv, khoxen dis sarunk daste vinn
Ekvottacho ho ruk dogaimcho, rukak follam Devan dileant tin
Bhurgim mhunnchem dovlot gharachi, sodanch ami dovrunk zai motin
Aiz ponchvis vorsam zalint purim, tum ani hanv zalear poti-potin

Chorus
JJL: Khoxen bhorla jiv amcho, pollovn ekvott daddy-mummycho
Mogacho ho bandpas tumcho, Golden Jubilee zaisor urcho
Khoxen bhorla jiv amcho, pollovn ekvott daddy-mummycho
Mogacho ho bandpas tumcho, Golden Jubilee zaisor urcho
III
JJL: Khoxen celebrate kortanv ami, dis kazarachea Silver Jubilee-cho
Daddy-mummycho ekvott uronk, ami upkar attoitanv Devacho
Tosoch anvddo ek asa kallzan, magtanv Devan to puro korcho
Vonttanim kellim khai pasun, tumcho ekvott osoch dovorcho

Chorus
JJL: Vaitt chintnam korun poro, sonvsar tumi kelo boro
Tumchea mogacho ekvott khoro, amchem boreponn povnk urlear puro
Vaitt chintnam korun poro, sonvsar tumi kelo boro
Tumchea mogacho ekvott khoro, amchem boreponn povnk urlear puro

(From Dom’s antique shelf!)

MOGA KHUIM RE TUM PAVOLO

MOGA KHUIM RE TUM PAVOLO
(Mando)


Suria denvon poddlo
Ani chondrim re udelo
Aimorecho vellu komesar zalo
Moga khuim re tum pavolo

Sodanch tum amger ietalo
Mojea gopant re bostalo
Atam kiteak ingrat tum zalo
Khuimchea dusmanank tum sampoddlo

Adeus, adeus anjea
Nimnno despedir kortam tuka
Dolle moje damptoch re moga
Fattlean dukam golloinaka

Mojea interra disa
Don-tin chitti mevteleo tuka
Tevui vachun ievxi zalear moga
Ximiterint haddam mevtelint tuka


(Domnic Fernandes)

"MANEVONTH PADR AGNEL"

"MANEVONTH PADR AGNEL"
- by Prince Jacob

Barik chit divn aikat jem kantar mhunttam hanv
Devasanv tujem korunk ieta Hindu-Muslim-Kristanv
Boktivont ghorabeant zolmolo, Anjuna tuzo ganv
Tikann Pilar kelam porzollta Pilarchem poi nanv

Padr Agnel, bhav tum amcho
Padr Agnel, foler tum Goencho
Padr Agnel, anvddo ho amcho
Altaracho man veginch tuka mevcho

Astannam bara vorsancho lhan, duens bhogi mojea jivitan
Uboxechem duens asam, sanglelem dotoran
Ubox ietoch asonaslom sintidan, maim mhaka ghevn ravo khankean
Duens mojem kurar kelem, Manevonth Padr Agnelan

Ubox ieta tednam diso morot vo urot
Ek-ek pavtti khonkli marun tonddantlean iei rogot
Boreak poddonaslem khuimcheach dotorachem vokot
Boreak poddo Padr Agnelache mathiechem udok

Padr Agnel, bhav tum amcho
Padr Agnel, foler tum Goencho
Padr Agnel, anvddo ho amcho
Altaracho man veginch tuka mevcho

Ubox sonsunk zainam zavn mhunno ‘maim jivexim mhaka mar’
Hal moje pollovnk goddonk nam, nimnno velo mhaka Pilar
Padr Agnelachim novenam kelim, Pilar vochon kitlech Brestar
Ubox moji bori zali, ugoddlem bolaikechem dar

Milagr moje thaim ghoddleli hanvem porgott korunk nam
Mhaka lagon ghoddiek altaracho man taka mellonk nam
Kitleam zannanchim duensam borim kelint upkar attovnk nam
‘Kam zalem voiz melo’ ami tachi porva korunk nam

Padr Agnel, bhag tum amchem
Padr Agnel, noketr Pilarchem
Padr Agnel, aik magnnem amchem
Padr Agnel, mannik tum Goenchem

Mojech baxen asat kitle zann, Padr Agnelan bhagoilea tumchi tan
Upkar mevtoch porgott korunk nam, toiear nam bagovnk man
Astannam bara vorsancho lhan, milagr ghoddlea mojea jivitan
Porgott kortam, Padr Agnelak favo zavnk altaracho man

(From Dom’s antique shelf)

Moi-mogan,
Domnic Fernandes
Anjuna/Dhahran, KSA

BOBOR

BOBOR
- Minguel Rod


Angan tem asam, noi re edem mottem bobor,
Kai bore pole tache mou-mou robor,
Ratchem tem sopnant ieun korta mhaka zobor,
Mat apunn khuim rauta ti sangonam re khobor.

Chorus:
Kal ratim tannem sopnant ghott dhorlo maka,
Ekar-ek beij diunk laglem paka-paka-paka.
Tea sopnan Saiba kainch anink naka.
Zago zaun tor polloi zalear mazor leunta maka.

Mhaka poddonk nam re jeunchem ani khaunchem,
Mat taka dhorun ghara koxem dhanvchem,
Ghott dhorun haddttom zanna zalear khuinchea gaunchem,
Mat hanv tachem nauim nokom, hem oxem koxem zaunchem.

Chorus:
Poir ratti ani ek pautt jiu khoxen mhozo bhorlo.
Oklecho pai soirik gheun amger so pavon sorlo.
Oitana khoxen mhunno babu apunn chol’lo.
Zago zaun tor polloi zalear nakar bhonvta zorlo.

Ekech muttin zorleache dant moddle,
Zago zaun tor polloi paichea oklanche arxe foddle,
Pain kalukant chor mhunn borech oddle,
Main chopko marun paiche khoddeache kens thoddle.

Chorus:
Kestaum hem kabar zatoch auchit jhem maka poddli,
Oklechi maim ieun noi re soirik mhoji moddli,
Te tiddkin dhorun tika hanvem charains korun oddli,
Zago zaun tor polloi novich kamoi pinzun soddli.

CAZARI BHOINNI

CAZARI BHOINNI
- Alexinho de Candolim


Aik mhoje cazari bhoini, sangtam tuka thoddeach
utramnim
Sounsar tuzo surngaila diamont fatramnim
Govai ravon nokhetramnim, sangat tuka dilo voddilamnim
Tor sang dusreanchi axea tuka kiteak ani ?

Chorus
Vaitt zaum boro, tuzo sakrament khoro bhoinni, dusro
ani kiteak zai ?
Dolleam add sounsar padd umttun visvaxi zhadd, hanga
thuim kiteak uddnnam martai ?
Tonddar lae poe ghovache dankun doe, bhoinni lokak
fottoi nakai,
Ghov Bombaim, tum Goem, tuzo resped khuim paulo gai ?
Hem sounsar zanno, punn noko tuzo mai ani pai.

Hem hanv tukach mhunnonam, asat oxim zaitim zannam
Bavarthi govachea dolleank bandhtat panam
Hanga thuim marun uddnnam, dadoxi zaixi kednam?
Gomtelem kuddintlem rogot sukhot tednam.

Chorus:
Khar nhoi oinni, tum aik mhoje bhoinni, vetai
sakramentacher add
Dennem ani ghennem, ghetlem zait konnem? Umttinakat
fuddarachem zhadd,
Gharacho divo, uzvadd tuka zavo, bhoinni ghor-dar
korinakai padd,
Don bhitorlem ek add borem tem ghovak dhadd, punn
sakrament korinakai vibadd.

Mai pai tuka zaitem korit, dothin bhangaran tuka
bhorit
Punn sang bhoinni, noxib tuka konn diit?
Godd mhunn khainakai mitt, sambhall kazari jivit.
Mon tujem borem mhunnon sounsarak xit.

Chorus :
Hanga thuim bhovon, choriam lipon ravon, bhoinni
kortai chintinastanam,
Kortub tinchem, udok don bainchem, pietai sakrament
astanam,
Tum tor chintun poi, hem kortub zobor nhoi, Devak
bilkuluch manounam,
Korun dusreachi as, tum nagoitai visvas, hem Dev tuka
kednich bogxichonam.

FORMONN MARLEM

FORMONN MARLEM
- Anthony D'Sa



Kitleo bailo huxar vortout tor aple artin
Torui dadle huxar vortoutat aple hikmotin
Vakandtam mhunn dadleank, rag dhorinakai motin,
Bailamnim ghutt sambhallunk chodd kottin.

Chorus
Khorench bailo dadleam un teo chodd huxear
Sabar xaramnim bailo choloitat raj =karbar
Zaun teo vhoddleo advogad, xiknar, madri huxear
Punn hukum nam aikonk tem kumsar

Zorui bailo kumsorin bosot, choudavi milagr ghoddot
Dadle sumanak att pavtti kumsarak vochot
Te aplem patok roddot, zaum borem vo vaitt ghoddot
Kumsarak vochon odhik patkan poddot.

Aikolelim zalear kumsaram team bailamnim,
Akkem ifern chikar bhortem aslem dadleamnim.
Misam sangon madrimnim, Convent ugddun padrimnim.
Aiz sogllo sorg bhorto aslo team bailamnim.

Oxem Romak ghoddlam team fattleam vorsamnim.
Pap Saibak magnnim kelim sabar madrimnim.
Hukum zai mhunn tankam, bosonk kumsorimnim.
Pap Saiban euyon kaddli ek mandnnim.

Aplem kumsar aikonk lailem, uprant pirajit formai
mhunntlem
Hem kumsar madrin dusre madrink sanglem.
Pap Saibak gomon hem ailem, tem kumsar public yalem,
Poileach kumsaran bailank formonn marlem.

"REGINALD FERNANDES"

"REGINALD FERNANDES"
- by Alvito



I
Nixeanni Patxeai asta porjen vinchun kaddlolo
Tosoch ek Patxea aslo abru-man zoddlolo
State Award passun tea Patxaik mevlolo
Toch to Reginaldo Fernandes, Romansincho Patxea mhunn soglleanim vakanddlolo

Chorus
Siolim, Bardez tuzo ganv, sonvsarak famad tujem nanv
Romanxi vikrek iet, lok rokddeoch geit vochon marun dhanv
Romanxi tujeo vachun, bhogtalem satisfasanv
Avchit Reginald somplo, kallzak balo toplo, dukan poddlo Goencho ganv

II
Jinsavar Romanxi tuvem, boroileo kosleo-kosleo
Ek pavtt vachunk lagot tor, bond korunk disonasleo
Romansi xapun haddunk, zaiteo oddchonim sonsleo
Tosleo anink ievcheo nam, amkam vachunk mevcheo nam,
Romanxi tujea osleo

Chorus
Devan bhorlolo taka, anik sabar denneanim
Tea tempar to gaztalo, boro trumpet vaztalo Hindi filmanim
Tiatr pasun dakoilet, vakanddlo taka sogleanim
Reginald tum ontorlo punn sodanch jivo urlo,
Goenkarachea kallzanim

III
Konknni bhaxe pasot tuvem, zaite sacrifis kelet
Konkani bhas samballunk, donxim vodik buk boroilet
Tuvem boroilele buk, sodanch ugddasak urlet
Punn Konknni Bhaxa Mandal amchea Reginaldak te sapuch visorlet

Chorus
Dusre zatichea munxeanim, aplea munxeank soddunk nam
Tanche melear boroinnar, rokddich khobor paper-ar, haddlea xivai ravonk nam
Serkaran Reginaldachi, matui khoboruch korunk nam
Reginald somplo mhunn paper-anim pasun rokddich khobor haddunk nam
Radiocher, TV-cher pasun Reginaldachi khobor sangonk nam

(From Dom’s antique shelf)
Domnic Fernandes (Anjuna/KSA)

"PATXAI ROMANSINCHO"

"PATXAI ROMANSINCHO"
by Gable-Allan


I
Munis sonvsarant ieta, aple ikmotin dis sarta
Devan dilelem dennem to vaprun fuddar aplo korta
Konn nanv zoddunk vavurta, konn duddvam pattlean morta
Punn munis mortoch, kortubancho ugddass tacho sonvsarant urta

Chorus
Reginald Fernandes, ganvan to Siolecho
Moipaxi utrancho, ani lhanvikaiecho
Ekxem sot’tor ani sat buk borovn,
record dorla apnnancho Novembrache 13ver somplo,
Patxai Konkani Romansincho

II
Sat tuvem dakoilet, pustokam Tarizona
Barabasachem jivit vachun ratik nid poddonk nam
Golkonddachi Girestkai, tujem chintop vachpich zannam
Valencia cheddvachi churchureanchi istor azun visronk zainam

Chorus
Tachim borim pustokam, Zorzorro ani Arabeskar
Tachea hea orixtt vavrak, mevla Gulab Puroskar Rolling Trophy bhettovpi,
amche Kuwaitche Goenkar Tiatranchea Utsovak kel’lo, Reginaldacho sotkar

III
A to Z okxearanim, Romanxi boroileat tannem
Perdidade pustok vachit tea mukar dovorlem nimannem
Sotra tiatr boroilet, muzgaponnanchem aslem dennem
State Cultural Award mevla Devachem ievchea adim apovnnem

Chorus
Aikon khobor mornanchi, kallzak hea zalo gavo
Patxai Konkani Romansincho, dusro zait kai favo
Oixim vorsanche piraier, palovlo Konknnincho divo Reginaldak, sorginchem suk,
Dhoniam tum kor favo Goenkaranim, ugddasak tachea, monument bandunk zavo

(From Dom’s antique shelf)

APOL (Apple)

“APOL” (APPLE)
- Lyrics & Sung by Alfred Rose



I
Apol ho, ghostacho, soglleank amkam ruchicho
Apol ho, khait zalear, thembo naka voktacho
‘An apple a day keeps the doctor away’, oxem mhunnttat lok Eropacho
Punn apol ho, niddukaiecho, tech porim ghatki kastacho

Chorus
Cheddo pettikotta pattlean dhanvchonaslo – ho apol zhaddar naslo tor
Adanv koso munis vingllo bonvto aslo – ho apol zhaddar naslo tor
Dhorji sui ghevn nespam xinvcho naslo – ho apol zhaddar naslo tor
Dadlo bailechoi ghulam zanvcho naslo – ho apol zhaddar naslo tor

Cheddo pettikotta pattlean dhanvchonaslo – ho apol zhaddar naslo tor
Adanv koso munis vingllo bonvto aslo – ho apol zhaddar naslo tor
Dhorji sui ghevn nespam xinvcho naslo – ho apol zhaddar naslo tor
Dadlo bailechoi ghulam zanvcho naslo – ho apol zhaddar naslo tor

II
Rosroxit, ah-a gulgulit, pollovnk dista kaiboro
Tannench aiz, munxeache, sovostkaiecho kela churo
Zogzogta, tem sogllench bhangar nhoi, he mhunnenk asa valor khoro
Apol ho, dista kaiboro, punn gomtteak amchea ghala doro

Chorus
Chedde kazari bailank aiz bhulche naslet – ho apol naslo tor zhaddar
Dhavui nakxeo zorovn munis jenvche naslet, ho apol naslo tor zhaddar
Ah!!! Bailechea kumpasar dadle nasche naslet – ho apol naslo tor zhaddar
Matre gupit nodren cheddvank ponvche naslet – ho apol naslo tor zhaddar

Ah!!! Chedde kazari bailank aiz bhulche naslet – ho apol naslo tor zhaddar
Dhavui nakxeo zorovn munis jenvche naslet, ho apol naslo tor zhaddar
Bailechea kumpasar dadle nasche naslet – ho apol naslo tor zhaddar
Matre gupit nodren cheddvank ponvche naslet – ho apol naslo tor zhaddar

III
Sogllem noixtt, aiz ievnk pavlam, fokot hea apolak lagon
Zuzam pasun, aiz zavnk pavleant, fokot hea apolak lagon
Tem vinglleponn, dolleank disti poddlem, fokot hea apolak lagon
Pottak amchea, vhoddlo burak poddla, fokot hea apolak lagon

Chorus
Chintun polle apol zhaddar naslo zalear – sirvisek konnuch vetonam
Uskea-meklle sonvsarant hea bonvte asleanv – tim zogddim-zuzam zatinam
Aka nagoi taka fottoi zanvchenaslem – niddukaiek suat mevtinam
Tiatr tumkam funkott pollonvk mevte aslet – tikettinchi goroz astinam

Oh!!! Chintun polle apol zhaddar naslo zalear – sirvisek konnuch vetonam
Uskea-meklle sonvsarant hea bonvte asleanv – tim zogddim-zuzam zatinam
Aka nagoi, taka fottoi zanvchenaslem – niddukaiek suat mevtinam
Tiatr tumkam pollonvk funkottmevte aslet – tikettinchi goroz astinam

(From Dom’s antique shelf!)

Bessaum Tumcher poddoum re !

Adlea tempar, khuimcheim fungsanv hea sokol dakoll kelelem ghit gavun kabar
zatalem. Oxem asson, amchea vaddeantlea zanttean, Simao titiu-an, zachem
hem ghit chodd avoddechem aslem, tannem tem gavunk suru kelem oxem:



Uddon ghelem parveanchem-em bhirem
Modem pavon, fiskottonu ghelem
Uddon ghelem parveanchem-em bhirem
Modem pavon, fiskottonu ghelem

Bessaum tumcher poddoum re
Bessaum tumcher poddoum re
Sorguinchea Deva Bapachem

Bessaum tumcher poddoum re
Bessaum tumcher poddoum re
Sorguinchea Deva Bapachem

Viva re viva - viva, viva
Viva re viva - viva, viva

Viva, viva marumiea
Zolmolelea ballkachi saud korumiea

Viva re viva - viva, viva
Viva re viva - viva, viva

Viva, viva marumiea
Ballkachea avoi-bapaichi saud korumiea.

RED ROSE

"RED ROSE"
- Sung by Lorna

I
Ghor mugelem, Curtore saxtti, Rozalin mujem navum
Tambddelem Rozu, mhunnit tor soglo, ollkota mhaka ganvum
Valkixer vhoddlea, Parxeangea bongleant, kam' kortam hanvum
Rostean choltannam, fattlean re lagta, cheddeanchem pursanvum

Chorus
Konn mhaka chokletti haddun ditai
Konn mhaka pikcherak apoitai
Konn mhaka bextech zapaitai
Konn mhaka poixe dakoitai

II
Zaite amgele, Goenkar chedde, pattlean mojea ietai
Khuimchorui vochonk, suseg mhaka dinaim, jivui muzo khatai
Kazar zata mhunn, kitle zann mhaka, utor pasun ditai
Tesole novre, nakai baba te, kontri soro pitai

Chorus
Aikon hem ghott motin dhori
Aichean tum khoro nichev kori
Soreak tea dorieant voron mari
Kazar moko zaichea zai zaleari

III
Parxeange pasun, chedde re mhaka, bextech moddttai dolle
Red Rose mhunnon, apoitai mhaka, fokannam kortai thodde
'I love you' mhunnon, kissu re muzo, magtai muje kodde
Dusre mhaka nakai, kazar zatom hanv, fokot Goenkram kodde

Chorus
Parxi mhaka duddu ditolei
Ghoddie te bhangar ghetolei
Melear mhaka kanvdde khatolei
Goenkar muje mathie ietolei

La-la-la-a, la-la, la-la-a, la
La-la-la-a, la-la, la-la-a, la

"PITI-PITI MOG"

"PITI-PITI MOG"
- Sung by Lorna



Dista mhaka anik moga oslem nam mhunnon suk
Bhorla kallzan tuvem roila poi to mogacho ruk
Boroin hanvem dovorla, amchea istorin bhorlolo buk
Sozmotam kallzak hea divchonam mhunnon tum duk

Piti-piti-piti, piti-piti-piti, piti-piti-piti kalliz hem zata
Nidlear nid poddonam punn tuzoch ugddas mhaka ieta
Ghott vengent mhaka to dorta
Chiddun-muddun moje kiss to gheta
Piti-piti-piti mog amcho kallizak khuxealkai dhita

Lal-la-la, la-lal-lal-la, lal-la-la, lal-la-la, la-la-a-a
Lal-la-la, la-lal-lal-la, lal-la-la, lal-la-la, la-la-a-a

Chintlear dista mhaka mog amcho novlanim bhorla
Oslo novlancho mog kallzan mojea bhitor sorla
Tutton vochonam zavnk, kallzan ghott taka bandun dorla
Kazar zavn fokot ekvott zavpacho urla

Piti-piti-piti, piti-piti-piti, piti-piti-piti kalliz hem zata
Nidlear nid poddonam punn tuzoch ugddas mhaka ieta
Ghott vengent mhaka to dorta
Chiddun-muddun moje kiss to gheta
Piti-piti-piti mog amcho kallizak khuxealkai dhita

Piti-piti-piti, piti-piti-piti, piti-piti-piti kalliz hem zata
Hai-i-i-i!
Nidlear nid poddonam punn tuzoch ugddas mhaka ieta
Ghott vengent mhaka to dorta
Chiddun-muddun moje kiss to gheta
Piti-piti-piti mog amcho kallizak khuxealkai dhita

Lal-la-la, la-lal-lal-la, lal-la-la, lal-la-la, la-la-a-a
Avoi-i-i-i!
Lal-la-la, la-lal-lal-la, lal-la-la, lal-la-la, la-la-a-a
Hai-i-i!
Lal-la-la, la-lal-lal-la, lal-la-la, lal-la-la, la-la-a-a
(Giggles)
Lal-la-la, la-lal-lal-la, lal-la-la, lal-la-la, la-la-a-a

NOXIBAK RODDTTAM

"NOXIBAK RODDTTAM"
- Sung by Lorna Cordeiro



Kantar korun, dis moje sartam
Chintun moga, noxibak roddttam

Kallzan thavn mog kelo
Jurament dilo
Abgath korun gelo
Kallzak toploi balo

Mollbailea neketrar
Zalelint jurar
Zanvchim nhoi mhunn ami
Kednanch separar

Chorus
Fottkiro mog kori
Ghott mhaka vengent dhori
Atam roddttam hanv dukancheo zori

Kitlem kalliz nibor
Aikon khobor
Sanddleim mhunnon mhaka
Zalem zobor

Chorus
Fottkiro mog kori
Ghott mhaka vengent dhori
Atam roddttam hanv dukancheo zori

Kitlem kalliz nibor
Aikon khobor
Sanddleim mhunnon mhaka
Zalem zobor

ATAM GHANTTI GOENKAR

"ATAM GHANTTI GOEMKAR"
- Sung by Olga Vaz, Humbert, Cassy Alfonso & Prince Jacob
(From Cassy Alfonso's (London) audio cassette "Mog Mhaka Goemcho")


"Hea ghanttieanchem padd poddom; atam ghantti Goenkar" (Curse be upon these
ghanttis; now Goans are ghanttis!):

Legend: Olga = O; Humbert = H; Cassey = C; Prince Jacob = P

Dialog:
O: Oh darling! At last we’re in Goa!
C: Come, darling come! This is our motherland and this is our house.
O: Is this home? Such a big house!
C: Hello! Hello!
H: Yenna-appa – yella yista bangoddi?

Pandemonium ensues between home owners and two occupants (ghanttis) living
in the house.

O: What darling? What people?
C: Darling, don’t worry. Ami London-ak asta mhunnttoch amchea ghoran ami
tankam amchem ghor samballunk dovorleat.
O: Oh-h!

I
H: Yenda puta swamy, I’m come from Hubili
P: Panch vorsam Goeam ravli ani xinkili Konkani
H: Goencho lok ekdom bori, ghor dhita baddeani
P: Goenkar Goeam ietoch ravtat hotelanim

Chorus
O&C: Ar’re Bal Subramanim, sangtam Pillai Kutti
Longi tuji soddun, martam tujer mutti
P: Hem ghor ravonk dil’li, mummy tuji zantti
H: Hem ghor moddon poddleli, bandli ami vontti

O&C: Ar’re Bal Subramanim, sangtam Pillai Kutti
Longi tuji soddun, martam tujer mutti
P: Hem ghor ravonk dil’li, mummy tuji zantti
H: Hem ghor moddon poddleli, bandli ami vontti

II
C: Ghor echea paichem, tuka ravonk divchonam
P Hem ghor moddun poddleli, ami sarki kelam
O: Tor sang poixe kitle, bill kitlem zalam
H Serkarachi kaido asa, bhair soronk zainam

Chorus
O: Darling, I am waiting, what’s the darn telling you?
C: Ravonk ghor dhilelem, apnnem bandlam mhunntta new
O: Ghantti soglle tumi chor, amcho khatat jiv
P Ami Goeam ravun kaddttat Fenni ani Cashew

O: Darling, I am waiting, what’s the darn telling you?
C: Ravonk ghor dhilelem, apnnem bandlam mhunntta new
O: Ghantti soglle tumi chor, amcho khatat jiv
P Ami Goeam ravun kaddttat Fenni ani Cashew

III
H: Goemkar baili ganvan, ozaranim zoddttat
P: Zoddleli zodd tumi folganch marunk moddttat
O: Poixe korunk amkam zaitech tras poddtat
C: Amchem ghor chortuch tumkam borem dista

Chorus
H: Goenkar kitli uxear, ghalta soreachi bar
P: Ami ghantti Goeam ievn zali MP, Minister
H: Tumi folganch marunk urli, show Maruti ghevn car
O&C: Hea ghanttieanchem padd poddom, atam ghantti Goenkar

H: Goenkar kitli uxear, ghalta soreachi bar
P: Ami ghantti Goeam ievn zali MP, Minister
H: Tumi folganch marunk urli, show Maruti ghevn car
O&C: Hea ghanttieanchem padd poddom, ami ghantti Goenkar

Here again, pandemonium takes place between the owners and occupants.

Dialog:
H: Ghor amchi zali, ami ravta. Cholai, tumi London-ak cholai
C: Darling atam anik rosto nam; ami khuimcheai hotelan vochon ravomiea.
O: Oh no!!!

(From Dom’s antique shelf)!

Moi-mogan,

Domnic Fernandes
Anjuna/Dhahran, KSA

MOGAN PODDON KEL'LO SANGAT

MOGAN PODDON KEL'LO SANGAT




A song sung by the threesome – Bab Peter, Ophelia and Babli:

Legend: Bab Peter = BP; Ophelia = O; Babli = B

I
BP: Mogan poddon ami kel’lo sangat
O: To mog amcho azun unno zavnk nam mat
BP: Sodanch bonvchim hathak dhorun hath
B: Hanv zavn asa tumchea dolleanchi vatt

Chorus
B: Tumchea dolleank hanv uzvadd ditelim
Moromsor tumcho sangat kortelim
Bhienakat hanv vhoddlim zatelim
Tumi matharim zatoch hathak dhorun bonvtelim
II
BP: Nokoi bai pai-mainchea mogachem mol
O: Vhoddlem zaisor soglleam thaim mogan chol
B: Mog tumcho kednanch zavnk divchinam pol
Hanv zavn asa tumchea ekvottachem foll

Chorus
B: Vaddoilam mhaka tumi mog divn khoro
Ho mog tumcho zavn asa fulancho turo
Magtam ekvott tumcho uronk boro
Hanv vhoddlim zai sor Devan tumkam dorlea puro
BP&O:Tum kazar zai sor Devan amkam dorlea puro
Tum kazar zai sor Devan amkam dorlea puro
B: Tumi matharim zaisor Devan tumkam dorlea puro
Tumi matharim zaisor Devan tumkam dorlea puro


- Forwarded by Domnic Fernandes
Anjuna/Dhahran, KSA

P.W.D.

“P.W.D.”
- Lyrics & Sung by BAB PETER

I
Kalliz mojem khoxen bhorlem, Indiechea airport-ar denvon
Kallzachi as puri zali, sogllea Goenkarank mevon
Soglleank Dev borem korum mhunnttam, kantar hem aikotat mhunnon
Xekim Indiek pavlom hanv, panch vorsam Bahrain ravon

Chorus
Bombaim pavonam fuddem don disanim, hanv rokddoch Goeam gelom
Margao lokachi godd’ddi pollovn, Dhobitalao asa mhunn sozmolom
Itlo lok Goeam koso zalo kai mhunnon, hanv motinuch chintunk urlom
Uprant tea PWD-chea munxeachi khobor aikon hanv sarkoch thondd zalom

II
Amigan mojea Bahrain astannam, novea ghoracho benziment kelo
Hanv Goeam pavchea adim, amig mozo Goeam gelo
Bhaimchem udok kaddunk tras poddta mhunn, bailen tachea ghorak noll ghalo
Amigan udkachem bill dakoitoch, khorench mhaka shock zalo

Chorus
Hanv tumkam khobor sangonk sodtam, Goenche PWD-chi
Serkari munis offisanim boson, salary ghetat apnnanchi
Lokager nollachem udok soddun, sudh geinant team paipanchi
Sat muineank vis ozarachem bill dhaddun, dandoll keli mojea amigachi

III
Dusre dis dogui geleanv offisan, officer thuimsor kodelir nam
Anga-thoim amkam bonvddailet, officer-achi khobor nam
Uprant ek officer mevlo, mhunno offisan ulovn faido nam
Sokla barrar boson uloviea, bhienakat tumi hanv astannam

Chorus
Barracher boson ami tegainim, taka zai tem drink order kelem
Uprant tea amigan mojea, udkachem bill taka dakoilem
Sat muineank vis ozar koxe aile ghai mhunn, ami dogainim taka vincharlem
Apnnakui diat kitem, bill tem apunn adjust kortam mhunn, bill bolsan ghalem

IV
Bhaim kaddunk upai nam te munis, paipam ghevn ghoran udok ghetat
Vaddeanim bonvon tumi poixeat tor, paipam futton zori vanvtat
Ani he PWD-che munis, dolle bond korun bilam dhaddtat
Poiat te serkaran dovorlele munis, barranim boson bilam check kortat

Chorus
Ghorib lok udkachim bilam bhortat, paipam tim futtlelim astannam
Goeam khoim atam ekui kam zainam, bhitorlean duddu dhi nastannam
Goencho serkar kudd’ddo zavn bonvta, dolleanim disti poddtta astannam
PWD-che munis kednam toxem korchenant, minister bhagak tanchea nastannam

Rodditam Hospitalant

“RODDTTAM HOSPITALAN”
- Lyrics & Sung by Jacinto Vaz
("Goencho Avaz Audio Cassette)

I
Churchureanchem duens hem bhogtam mogak lagon
Kallzan thavn axel’lom hanv pollovnk tujem tondd
Chintun tujem hospitalan roddttam suskaron
Kednam Deva mojer tum dhaddttoloi tem morn

Chorus
Tin vorsam legun ami bonvlim mogan
Tuvench dakoili mogachi goddsan
Hanv tumger ienaslom tum voro forsan
Aiz tum khevtai dusreachea gopan
Kosli zait ti mogachi tan
Thoddech dis urleat moje sonvsaran
Kainch tuka mhunnonam, movza mar sontosan
Tukach lagon aiz hanv roddttam hospitalan

Tin vorsam legun ami bonvlim mogan
Tuvench dakoili mogachi goddsan
Hanv tumger ienaslom tum voro forsan
Aiz tum khevtai dusreachea gopan
Kosli zait ti mogachi tan
Thoddech dis urleat moje sonvsaran
Kainch tuka mhunnonam, movza mar sontosan
Tukach lagon aiz hanv roddttam hospitalan

II
Hanv kazar zainam mhunnon dukanim tum roddttalem
Churchureank tujea kalliz tukach bhettoilem
Thoddoch teomp mudansak tum mamamger mhunn ghelem
Bhulon duddvankarak aiz mojer bodol’lem

Chorus
Khattir nidon hanv he soddttam suskar
Ratchi nid poddonam chintnancho bhar
Tuzo novro tuka dinam thar
Jurament dhilolo kopela mukar
Devachem bhesanv tumchea ekvottar
Pattlea kortubancherui nodor mar
Mhaka tum visorlem, mevlo mhunn duddvankar
Urlelem vid mojem hospitalan kobar

Khattir nidon hanv he soddttam suskar
Ratchi nid poddonam chintnancho bhar
Tuzo novro tuka dinam thar
Jurament dhilolo kopela mukar
Devachem bhesanv tumchea ekvottar
Pattlea kortubancherui nodor mar
Mhaka tum visorlem, mevlo mhunn duddvankar
Urlelem vid mojem hospitalan kobar



>From Dom’s antique shelf!
Domnic Fernandes,
author of "Domnic's Goa – A nostalgic romp through a bygone era"
Anjuna/Dhahran, KSA

BANGDDE JELACHE

“BANGDDE JELACHE”
- Lyrics & Sung by Jacinto Vaz’s
(“GOENCHO AVAZ” audio cassette)

I
Mogak lagon jiv dhilo Romeo ani Juliettan
Khoroch bhava favo tankam man
Amcho Konkani mog zata durga khuxik pattlean
Pixe zaleat mogachea nadan

Chorus
Poiloch mog zata, chokletti khata
Voklek mog fivnnim ghalun dongrar apoita
Kednaim pai poita, dhuvek tapoita
Novro ragan dhuvekuch ghevn povon voita

Poiloch mog zata, chokletti khata
Voklek mog fivnnim ghalun dongrar apoita
Kednaim pai poita, dhuvek tapoita
Novro ragan dhuvekuch ghevn povon voita

II
Mogan poddon voklo ulas soddtta mogache
Novre babdde sopnetat ratche
Sopnam poddon umanv pasun ghetat uxeanche
Sokallim utton bangdde jelache

Chorus
Mog to mottoch khor, thoddeank ieta zor
Dekun bhava mog kortai poi to chintun kor
Mog mhunnchem vakor, gomtter voddit tor
Magir tuzo mog zata ximitirint bhitor

Mog to mottoch khor, thoddeank ieta zor
Dekun bhava mog kortai poi to chintun kor
Mog mhunnchem vakor, gomtter voddit tor
Magir tuzo mog zata ximitirint bhitor

III
Sompeponnim mog bhava to konnank dhinam thar
Poieat mogan kitle zalet par
Eklea cheddvak jivench marlem Cansaulim dongrar
Dogam zannank marlint Ponnje Miramar

Chorus
Cheddvam atanchim, dusrech baxechim
Dogam-tigam novreanchea mogan poddpachim
Vengent dhorpachim, kisui divpachim
Him cheddvam mog dakovn tuka fonddant ghalpachim

Cheddvam atanchim, dusrech baxechim
Dogam-tigam novreanchea mogan poddpachim
Vengent dhorpachim, kisui divpachim
Him cheddvam mog dakovn tuka fonddant ghalpachim

>From Dom’s antique shelf!
Domnic Fernandes,
author of "Domnic's Goa – A nostalgic romp through a bygone era"
Anjuna/Dhahran, KSA

KAXINTLO PAIM

“KAXINTLO PAIM”
- Lyrics & Sung by Joe Rose

I
Aikat mogall bhavanim, sangtam tumkam hanv hi khobor khori
Eke maink aslo ek cheddo, gharacho mhunnon divo, apurbai kori
Pottak mirieo ghalun, bhuk apli marun, ti taka vaddi
Put kednam voddlo zatolo ani apleak postolo, chintun dis sari

Chorus
Deva lagim magun, konnaincheim rinn kaddun, iskolak ghatlo
Bogor ievn poixe magi, vaitt amigank tea bagi, tankam khavoitalo
Main poixe nam mhuttlear, to khontt mari kullnnear, maincher chavotalo
Maim dukan dis sari, korun dukancheo zori, koxtt mainche put chintinaslo

II
Iskolachi guttli marun, xekim iskol soddun, zalo movali
Rat zatoch maim kaddi khonti, boso umrear ghevn pontti, vatt ti poitali
Vaitt mhunnonasli putak, xinnonasli Devak, fugasanv bhogtali
Put lokot ghara iei, maink sonvo ghaii, marun bhattli

Chorus
Ek dis pion ghara ievn, maink khontt marunk, paim ukol’lo
Tednanch vogot tacho pavon, kallzacho atak zavn, thuimsoruch somplo
Ak’kea ganvank perganv poddlo, tachea moddear lok bhorlolo ojeaplo
Ganvche aile xapai, zaite getle upai, tacho ek paim kaxin vochonaslo

III
Thoddeanim paim damun dhorlo, dor ghevn bandlo, ekdom taktin
Punn bandlolo dor tunttlo, paim voiruch sorlo, bhitor uronk kottin
Mainchea kallzak toplo bhalo, kortubancho ailo ugddas motin
Roddon mhuttlem “mojea puta, hanv bhogxitam tuka” tednanch panvom denvlo
kaxin

Chorus
Main zolom tuka dila, dudhan tuka ximpla, hem visronaka
Podvecho tuka mevot dhog punn mevchonam maincho mog, tika dukoinaka
Pivn monan ailear dhar, hath tuzo vonttir mar, maincher uklinaka
Tednanch Dev ghaltolo bessanv, hea moddeachem lisanv, mogall bhavanim
tuka-mhaka
Tednanch Dev ghaltolo bessanv, hea moddeachem lisanv, mogall bhavanim tuka
toxench mhaka

>From Dom’s antique shelf!
Domnic Fernandes
Anjuna/Dhahran, KSA

PINKICHEM LOGN

“PINKICHEM LOGN”
Lyrics by: Late Robin Vaz
Sung by: Late Robin Vaz, Selsa, Lourdes & Chorus

Introduction: Hem zavn asa Pinkichem logn.

Emcee: Atam vokol-novro ailo (lok tallieo pettoitat).
Bhott mama ailo.
Bhott mama vokle-novreak fulanche har bhettoita (lok tallieo pettoitat).

Bhott: Bhottu hanv vortovtam, Devllantum ietam
Vokle-novreachem login kortam – ham-am-am-am
Vokle-novreachem login kortam
Hatant hem tatt ghevn, tatt hem gunvddaitam
Vokle-novreachem login kortam – ham-am-am-am
Vokle-novreachem login kortam

Sogott: Ekttaim ami zanvumiea
Pinkichea lognanku vochoiea
Xinvtim-abolim, hoi xinvtim abolim
Hoi vokle-novreacher xinvraviea
Ekttaim ami zanvumiea
Pinkichea lognanku vochoiea
Xinvtim-abolim, hoi xinvtim abolim
Hoi vokle-novreacher xinvraviea

Bhott: Oh Pormesvara! Oh Pormesvara!
Bhesanv tum ghal hancher, Pormesvara
Oh Pormesvara-a-a-a

Bhott: Oh Pormesvara-a-a-a-a

Bhott: Devi Saibinnim
Sogott: Devi Saibinnim
Bhott: Man tuka dhitam
Sogott: Hoi-i-i-i
Bhott: Vokle-novreacher
Sogott: Hoi-i-i-i
Bhott: Bhesanv ghal ghe Saibinnim
Sogott: Hoi ghe Saibinnim

Bhott: Sorbonvtem boson-boson
Murgotton hanson-hanson
Tandull ami vanttiea
Sorbonvtem boson-boson
Murgotton hanson-hanson
Tandull ami khaviea

Sogott: Sorbonvtem boson-boson
Murgotton hanson-hanson
Tandull ami vanttiea
Sorbonvtem boson-boson
Murgotton hanson-hanson
Tandull ami khaviea

Bhott: Ietat tankam man diat
Sogott: Hoi re bhotta

Sogott: Pinkichea lognanku, lognanku, aile baba
Pinkichea lognanku, lognanku, aile baba
Pinkichea lognanku, lognanku, aile baba
Pinkichea lognanku, lognanku, aile baba

Sogott: Pinkichem login zalem, login zalem, zalem baba
Pinkichem login zalem, login zalem, zalem baba
Pinkichem login zalem, login zalem, zalem baba
Pinkichem login zalem, login zalem, zalem baba

Sogott: Fugddi ghalun nach baba, fugddi ghalun nach baba
Pinkichem login zalem
Loginu zalem baba
Fugddi ghalun nach baba, fugddi ghalun nach baba
Pinkichem login zalem
Loginu zalem baba

Bhott: Ietat tankam man diat
Sogott: Hoi re bhotta

Sogott: Pinki amgelem, cheddum Dotaramalem
Mapxenchea Rogu koddem kazar zalem
Pinki amgelem, cheddum Dotaramalem
Mapxenchea Rogu koddem kazar zalem

Pinki amgelem xiklelem
Hey! Pinki amgelem xiklelem

Pinki amgelem, cheddum Dotaramalem
Mapxenchea Rogu koddem kazar zalem
Pinki amgelem, cheddum Dotaramalem
Mapxenchea Rogu koddem kazar zalem

Pinki amgelem xiklelem
Hey! Pinki amgelem xiklelem
Hey! Pinki amgelem xiklelem
Hey! Pinki amgelem xiklelem
Hey! Pinki amgelem xiklelem

(From Dom’s antique shelf)
Domnic Fernandes,
Anjuna/Dhahran, KSA

BANDRA FESTAK

Here are the lyrics of one of the oldest songs “BANDRA FESTAK” by H.
Britton, which are taken from his audio cassette titled “NO PROBLEM”:

I
Bandra festak gelom hanv tea nimnnea Aitara
Ferien bonvtam-bonvtam horam zait ailim bara
Chonnekaram mhunnot ‘Bab gorom chonnem vora’
Chonnem khavnk urlom thuimsor pavlonam ghara

Chorus
Ha! Ha! Vah, vah, vah – lok ferien bonvta
Chevrisam sorpotel, sogllem thuimsor mevta
Merry-Go-Round-ar, chedde-cheddvam gunvta
Luttin kitem poitai, konnui konnak tenkta

Ha! Ha! Vah, vah, vah – lok ferien bonvta
Chevrisam sorpotel, sogllem thuimsor mevta
Merry-Go-Round-ar, chedde-cheddvam gunvta
Luttin kitem poitai, konnui konnak tenkta

II
Giant Wheel-ar bostolom mhunnon ticket kaddli
Moje kuxik tannen eke anttik dhaddli
Voir pavonam fuddem antti fugar zavn roddli
‘Oh my God’ mhunnon tinnen veng mhaka marli

Chorus
Ha, ha! ‘My God, my God’, antti suskar soddi
Uncle sokol, khonti-uske kaddi
Beautiful lady, asli itki saddi
Uddki marit mhunn, hanven ghott dhorli saddi

Ha, ha! ‘My God, my God’, antti suskar soddi
Uncle sokol, khonti-uske kaddi
Beautiful lady, asli itki saddi
Uddki marit mhunn, hanven ghott dhorli saddi

III
Matxe mukar, ring uddonvchem stall dislem
Tea stall-an tim ring-am divnk, sobit cheddum aslem
Kensanchem mountain kelelem mojem sintid thoim urlem
Ring uddoilelem tachea mountain-ar poddlem

Chorus
Yeah, yeah! ‘Lucky fellow’ mhunn bobav lokacho
Har ghalun fulancho, fottu kaddlo amcho
Ugddass vechonam Montichea festacho
Chear anneank hanv mog jiklom Bandrachea cheddvacho

Chorus
Yeah, yeah! ‘Lucky fellow’ mhunn bobav lokacho
Har ghalun fulancho, fottu kaddlo amcho
Ugddass vechonam Montichea festacho
Chear anneank hanv mog jiklom Bandrachea cheddvacho

Dialog:

H. Briton: Hello! Wish you happy feast!
Girl: Wish you the same – happy feast, happy feast!
H. Briton: How about a light kiss?
Girl: What? A tight kiss?
H. Briton: No, no, no – not tight kiss; a light kiss
Girl: Oh-h-h-h! You are most welcome! Happy feast; happy feast!




(From Dom’s antique shelf)!
Domnic Fernandes
Anjuna/Dhahran, KSA

NOVEA VORSACHE NICHEV

"NOVEA VORSACHE NICHEV"
- Lyrics & Sung by Alfred Rose

I
Novea vorsa hanv foreign soro pioumchonam
Foreign blade-inim khadd hem mojem kaddchonam
Foreign lugttanchem nesop anik neschonam
Foreign ghodialam hathak ghalchonam

Chorus
Black-antlem ghevchonam
Governank hanv kenddchonam
Smuggler-ank mat soddchonam
Pulisen dilea bogor hanv ravchonam

Soglea rosteanchim nanvam atam xiktolom
Disak ek zadd khuimsor torui hanv ghaltolom
Mojem asa titleim goribak vanttolom
Dev ditolo mhunn patieon ravtolom

II
Social worker zanvcheak hanvem kela nichev
Jugar khevchonam naka to kartancho khev
Nitoll zatolom sap korun monantlo mhev
Oxem kelear besanv ghaltolo Dev

Chorus
Zanvarank marchonam
Peleak hanv okman korchonam
Vhoddponnam sangchonam
Soro bond zait tor vas pasun ghevchonam

Gaddien goddi mhunn hanv dakonvchonam mutti
Roste sarke nam mhunn hanv korchonam jiti
Vostu marog zatat mhunn marchonam xitti
Desa pasot pettoitolom vathi

III
Ministranchim magnnim hanv dortolom kanar
Ragak kednanch sothea divchonam mojea tonddar
Doganch bhurgim puro, tisrem naka khandar
Nennarak xikovn kortolom zannar

Chorus
He nichev, hea vorsak
Ghott mojea monant asa
Adle nichev, adlea vorsak
Kel'let punn vanvon gelet fasa-fasa

Vorsachea vorsa hanv osle nichev kortam
Pondra dis zata mhunnosor te visortam
Hea vorsa nichev kel'le samballunk sodtam
Mojea pasot magat hanv hath zoddtam
Mojea pasot Deva lagim magat, magtam



>From Dom's antique shelf!
Domnic Fernandes
Anjuna/Dhahran, KSA

Pap Said Paul Indiek (POPE JOHN PAUL)

M. Boyer is one of the best and fastest composers of Konkani songs. Here is
a song he composed and sang on late Pope John Paul’s visit to Goa:



I
Pap Saib Paul Indiek ievun ghelo mhunn kalliz sontoslem amchem
Italiak, Romank, Sam Pedruchi igroz thikannem tachem
Tea Roma pattlean Goa xarak mhunntat Roma udentichem
Aplea Romank thaun to amchea Romank ievun ghelo noxib Goenkaranchem

CHORUS
Adlea tempar Pap Saib Romantle kednanch bhair soronk nam
Adlea lokan konnem Rom pollounk nam tor Pap Saib dekonk nam
Adle Pap Saib Indiek ievun ghelet punn Goeam pavonk nam
He pautt Goenkarank oslem bhag mevot mhunn konnench chintunk nam

II
Deva pattlean Dev, bhett divn amkam ghelo khuxealkai motti
Indiecho serkarui vavurlo taka divunk bori security
Kitle ganv vavurlet thoddoch vell taka voronk kitleoch keleot ratti
Punn Pap Saib aple khoxen Goeam ievun raulo ek dis don rati

CHORUS
Pap Saib bonvta, zaina zavn xevott hea sonvsaracho
To zogddim nakat, zuzam nakat mhunn hath zoddpacho
Veta tea ganvanim tea ganvcheo bhaso ulovn magnnim korpacho
Goeam Konkanin uloun jiv dadus kelo amcho Goenkarancho

III
Gela tea ganvanim lakanim duddu moddun tachi xeva keli
Cristanvam poros dusrea dhormancho lok taka fulam ghali
Thodde vavurtalet add morchea tacher kaddunk, maruncheak ueli
Punn Pap Saibachim utram aikon team munxeanchi zapuch bond zali

CHORUS
Pap Saibacho fottu astolo kitleancheach ghoran
Punn noxib amchem taka porxim pollovnk Goa xaran
Bispu Saib vavurlo, adharui dilo Goenchea serkaran
Konn addkoll haddit tanchea gomteak dhorlet San Francis Xavieran.


Domnic Fernandes
Anjuna/Dhahran, KSA

BHIKECHI KOTTI

“BHIKECHI KOTTI”
- Sung by late Aleixinho de Candolim



I
Kallzan mojea fugar zata eok ghutt, mathear ghevn bonvtam xintimentancho
mokutt
Panch vorsam zalim kazar zavn Bahrain gelear mozo put
Kiteak puta paichi korinaim sudh, konnem mhunn dili tuka osli budh
Ganvan bonvon bikh magtam puta pai tuzo hanv khudh

Chorus
Kitlo re puta Bahrainchea xaran khuxeal tum jietai
Panch vorsam zalim kazar zavn gelear dolleancher tum nietai
Punn hea tujea bhikari paik tum panch rupia dhaddunk bailek bhietai
Hanv vollvolltam pejechea nisak tum Brandy Rum pietai

II
Ekuch tum apurbaiechi zhor, xikop divn kelo puta tuka vhodd
Khandar marun dotoraxim voro hanv ailear tuka zor
Noko zalom bodlot mhunn rogtacho por, matharponnar dukh tuvem dili chodd
Tukai puta oxem ghoddot motin mat ugddas dhor

Chorus
Ugddass tuzo ietoch puta dot’torek paim lagonam
Dis bhor hanv bikh magtam punn pottachi bukh bagonam
Aiz mhaka toxench faleam tuka, dekun aiz kainch hanv mhunnonam
Borem zanv puta tujem hanv tuka vaitt magonam

III
Chintun puta zomnic lagonam paim, tuje xivai adhar naslo anik kaim
Sozmotalom tunch mhunn amchea dhir adharachi paind
Bodmas tum zatokuch amche thaim, rinnkareanim pinhor keli ghor ani bhaim
Tujea sintimentan kotta puta tuji moron geli maim

Chorus
Rupkar tuzo nialltuch kallzak dukh bhogta motti
Kaim nezo mhaka oxem kelear Dev getolo tuji zotti
Tum puta Bahrainchea xaran ozaranim zodd re Dinarancheo notti
Mhaka favo kelea puro Devan hi moji bhikechich kotti
Mhaka favo kelea puro Devan hi moji bhikechich kotti


---------
The late Aleixinho de Candolim was one of the legends of the Konkani stage.
His songs were based on day-to-day life. The following song though over
half a century old, is still famous because its lyrics are simply too good.


>From Dom’s antique shelf!
Domnic Fernandes
Anjuna/Dhahran, KSA

PADR JUZE VAZ - Mando

PADR JUZE VAZ


Padri Juze Vazu, amgelo Ceilanvkaru zalo
Bhasui tanchi, bhesui tancho, mogall irmanv zalo
Padri Juze Vazu, amgelo Ceilanvkaru zalo
Bhasui tanchi, bhesui tancho, mogall irmanv zalo

Girest dublleank adhar to zalo, lungi nhestalo
Povitr pustok Singhale bhaxen, soglleank xinkoitalo
Girest dublleank adhar to zalo, lungi nhestalo
Povitr pustok Singhale bhaxen, soglleank xinkoitalo

Pidda aili osgachi, uel zali lokachi
Polas soddun, ganvui sandun, razan pollapoll kaddli
Pidda aili osgachi, uel zali lokachi
Polas soddun, ganvui sandun, razan pollapoll kaddli

Padr Vaz bobek pavlo, tankam doiea ditalo
Ekttaim korun, ilaz divun, bore bore kortalo
Padr Vaz bobek pavlo, tankam doiea ditalo
Ekttaim korun, ilaz divun, bore bore kortalo

Zaito tempu, Ceilanvantu pavsu poddonam
Xetam korpolint, zaddam bavolint, raza re dukan
Zaito tempu, Ceilanvantu pavsu poddonam
Xetam korpolint, zaddam bavolint, raza re dukan

Patxaianu apovnk daddlo Goenchea Juzeko
Altar bandun mis mhunttannam, pavsa gosgosso
Patxaianu apovnk daddlo Goenchea Juzeko
Altar bandun mis mhunttannam, pavsa gosgosso

Hem novol kossol’lem saiba
Deki naslolem munga
Hem novol kossol’lem saiba
Deki naslolem munga

Pormoll mogreancho, domdom zaieancho
Soglle uttun nachumiea ami, vazoumiea rebeko
Pormoll mogreancho, domdom zaieancho
Soglle uttun nachumiea ami vazoumiea rebeko

Kud’de polletat, bhere aikokat
Dotor ojeaptat, kudd nastannam kosmik zolmu ditat
Kud’de polletat, bhere aikokat
Dotor ojeaptat, kudd nastannam kosmik zolmu ditat

Kaiborem tujem sarkem nitoll nirmollu
Pap Saib dekun ievun taka kelo bhagivontu
Kaiborem tujem sarkem nitoll nirmollu
Pap Saib dekun ievun taka kelo bhagivontu

Goenkarani soglle ekttaim zavumiea
Padr Juzechi dekh ghevun mogan jivumiea
Goenkarani soglle ekttaim zavumiea
Padr Juzechi dekh ghevun mogan jivumiea

Iea- iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea, Goyeam, Goyeam, Goyeam, Goyeam iea

Let us continue to pray for the early canonization of our Blessed Fr. Joseph
Vaz.



>From Dom’s antique shelf!
Domnic Fernandes
Anjuna/Dhahran, KSA

PADR JUZE VAZ - Kantar

PADR JUZE VAZ

Lyrics: Fr. Jose A. Da Costa
Music: Agostinho Da Cruz

Padri Juze Vazu amcho
Apostl tum re Indie-Ceilanvancho
Padri Juze Vazu amcho
Apostl tum re Indie-Ceilanvancho

Pattlav kelo re Jezucho
Aiz Patron tum amchea Goenkarancho
Pattlav kelo re Jezucho
Aiz Patron tum amchea Goenkarancho

Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo

Khandar marun gorib pottli
Vattu dhorli poi Ceilanvanchi
Khandar marun gorib pottli
Vattu dhorli poi Ceilanvanchi

Dorieant nustim khoxen nachlim
Mollbar taram uzvaddanim bhorlim
Dorieant nustim khoxen nachlim
Mollbar taram uzvaddanim bhorlim

Tarum udkan ufetanam
Boddve kortale gaionam
Tarum udkan ufetanam
Boddve kortale gaionam
Tarum udkan ufetanam
Boddve kortale gaionam
Tarum udkan ufetanam
Boddve kortale gaionam

Dusreai dhormank mandun ghetle
Patke-Kristi zome tuvem ghoddle
Dusreai dhormank mandun ghetle
Patke-Kristi zome tuvem ghoddle

Don xekd’de adim re kel’lem
Povitr sobhen porjek aiz porgottlem
Don xekd’de adim re kel’lem
Povitr sobhen porjek aiz porgottlem

Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo

GANAPATI

“GANPATI”
- Sung by Bab Peter-de-Anjuna



I
Aikonk hi fott disot, punn hanv sangtam tem soth, pollelam dolleanim
Ganpatik haddun ghoran, fest tachem kortat honran, Hinduacheam ghoranim
Tachi tim puja kortat, bara dis upas dortat, ghor bhorun soireanim
Bhoron khoxechea bharan, nistem haddinant ghoran, Ganpatichea disanim

Chorus
Tanchea dhorman ek kaido asa, Ganpatik haddunk zai ek pavtt haddit tor
Vorsachea vorsa tannem haddcho poddta, Daktto tori gorib to zalo tor
Ordea disak tori tannim haddunk zai, purvozanim adim haddlolo tor
Ghoracher khuim tea odruxtt denvon ieta, ek pavtt haddun bond korit tor

II
Bhurgo ek aslolo, maim-paik sotaitalo, Ganpatik hadd mhunn ghoran
Nistem khanvchem nhoi mhunn, upas ami korcho mhunn, roddo dukachea bharan
Konnench tachem aikolem nam, sangnnem kanar dorlem nam, podvi dakoili Devan
Soglleank uddovn ghuspavn, apleak zai tea rupan, Ganpati ailo daran

Chorus
Bombay Mahim hanv ravtam thuimsor, gorib ghorabean ek ojeap ghoddlem
Tea cheddeache main bazaran vochon, vis rupianchem ek pamplit haddlem
Pamplittachi koddi korunk tinnem, pamplitt katrun mitt lavn dovorlem
Ordea horan Ganpatichem rupnnem, pamplittacher disti poddlem

III
Koslea-koslea rupan, Dev ghoran bhitor sorta, hem amkam kovonam
Velim kombea bhattan, Saibinn-Maim disti poddli, punn soglleank disonk nam
Devan ghoddla ho sonvsar, tache podve mukar, munxeachem cholonam
Hanvui Velim gelam, dolleanim pollovn ailam, fott mhunnonk puttvonam

Chorus
Sangnneam pormonnem nolleank uzo petton, nolleancher khuim Saibinn-Maim
disti poddli
Vailankani Saibinn-Maim disti poddli mhunn, vaddeantli sogllich porza
ekttovli
Ghoddiek ti takach disti poddli mista, mhaka disonk nam hi milagr kosli
Kopel bandun aplim novenam korat mhunn, Saibinn-Maim magta asteli




>From Dom’s antique shelf!
Domnic Fernandes
Anjuna/Dhahran, KSA

KANVLLEA KITEAK RODTAI

KANVLLEA KITEAK RODTAI



Kanvllea kiteak roddtai daran
Konnui marit tuka faran
Kanvllea kiteak roddtai daran
Konnui marit tuka faran
Mojea potichi khobor adleai tor taran
Uddon voch re borean
Mojea potichi khobor adleai tor taran
Uddon voch re borean

Mozo poti etoch zoddun
Novem ghor bandtelim moddun
Mozo poti etoch zoddun
Novem ghor bandtelim moddun
Kanvllea sodankal amguer heo re tum uddun
Gontter tuzo soddun
Kanvllea sodankal amguer heo re tum uddun
Gontter tuzo soddun

Kanvllea kiteak zatai tentar
Uddon zaddar bos re pontar
Kanvllea kiteak zatai tentar
Uddon zaddar bos re pontar
Ani khoxechem tujem korxi re kantar
Toear kortam jantar
Ani khoxechem tujem korxi re kantar
Toear kortam jantar

Maka soirik noi re zali
Nourean utrachi mudi ghaili
Maka soirik noi re zali
Nourean utrachi mudi ghaili
Main-pain kazrachi mojea toeari keli
Noureak mezun doti
Main-pain kazrachi mojea toeari keli
Noureak mezun doti

Athan ghalun kanknna chuddo
Dakounk boumtam soglo vaddo
Athan ghalun kanknna chuddo
Dakounk boumtam soglo vaddo
Resperak aum vetelim rostea velean
Tambddi sontri launu
Resperak aum vetelim rostea velean
Tambddi sontri launu

Nouro sobit dista rupan
Zosso suria dista kupan
Nouro sobit dista rupan
Zosso suria dista kupan
Atam kalliz sauronam orlen ou supan
Dhorum dista gopan
Atam kalliz sauronam orlen ou supan
Dhorum dista gopan

Nourean lens dila xedacho
Doxim bangarachea bordacho
Nourean lens dila xedacho
Doxim bangarachea bordacho
Zacho pormoll mogacho, jasmin fulamcho
Adhar fuddaracho
Zacho pormoll mogacho, jasmin fulamcho
Adhar fuddaracho


Domnic Fernandes
Anjuna/Dhahran, KSA

ADVOGAD FOSLO

“ADVOGAD FOSLO”
- Sung by Jr. Nelson-Anthony-Souza Boy



Legend: Advogad: Anthony = A; Truck Driver: Souza Boy = S; Neighbor: Jr.
Nelson = J

Dialogue:

S: Dotor bab, dotor bab, mhaka kossoi korun salvar kor
A: Hanv vhodde khoxen tuka salvar kortolom aslom punn mhaka bilkul vell nam.
Mhaka aichea dissak konnaim baxen Delhi-k pavonkuch zai.
S: Dotor bab, Delhi-k faleam vochonk zainam?
A: Nam re! Supreme Court-an ekdam kês vhoir sorta ticho teach disak nikall
lagta.
S: Toxem zalear, moji atam bhirant.
A: Tuvem bhivoupachi koslich goroz nam. Hanv jem kitem tuka borovn ditam,
tem
tum khuimcheai vokilak dhi. Punn tea adim hanv tuka poi kitem vinchartam,
tacho mhaka sarko zabab dhi.
Tuvem konnanchem ghor moddlam mure?
S: Hoi, hoi, dotor bab.
A: Truck marun ghor moddlam mure?
S: Hoi, hoi, teach passot hanv bhielam dotor.
A: Atam mhaka tujem nanv sang.
S: Mojem nanv Santan.
A: Ham, Santan! Alcunj?
S: Alcunj Leitao.
A: Paichem nanv?
S: Paichem nanv Bosteao, tovui Leitao.
A: Sozmolom, sozmolom.
A: Ravta khuim?
S: Ghoran!
A: Ar’re ghoran sogllech ravtat. Ghor khuim?
S: Ham, ganv?
A: Hoi, ganv.
S: Nuveam, Nuveam.
A: Atam mhaka soth tem sang. Tujea lagim accident ghoddla?
S: Hoi.
A: Fott marinaka; soth sang; hanv magir artem aslelem portem kortolom. Ham?
Tujea lagim accident kosso ghoddlo?
S: Dotor bab, hanv truck choloitalom num, oxem ek volt assam ani tea voltar
tem
ghor assam ...
A: Hoi, hoi, hoi.
S: Tea voltar poi hanv osso cão martalom ...
A: Kitem mhuttlem cão? Cão mhunnttat tem Purtugez bhaxen sunnem, ani oxe
steering gunvddavn poi motor gunvddaitat, taka mhunntat cow.
S: Kitem mhuttlem dotor bab?
A: Cow!
S: Cow mhuttlear Inglez bhaxen gai zainam dotor?
A: Zata. Tunvui boro uxear assa mure! Oslech zai, oslech zai!
S: Borem ti sodd khobor. To cow poi kitem mhunnttat, tho ievunk nam; hanvem
truck ghorar marun, ordhem ghor truck-ar assam.
A: Ani truck khuim assa?
S: Truck rostear assa.
A: Truck rostear assa?
S: Hoi.
A: Ani ghor truck-an assa? Jiklo!
S: Jiklo?
A: Jiklo!
S: Dotor bab hem kitem mhunnta tum?
A: Jiklo re, jiklo!

Here comes the song:

I
A: Bhivoupachi goroz nam, sangtam poi tem motin dhor
Don witness tuka zai ani hanv sangtam toxem kor
S: Tum sangta titleim korunk hanv kobul assam dotor
Tujem famad kortam nanv, mhaka salvar korit tor
Tuzo upkar kednam vissorpacho nam hanv assonchor

Chorus
A: Khuimcheai advogadak dhi, hem tuka paper-ar borovn ditam
Hi kês tum jerul jiktolo, voilean tuka poixe mevta zalear poitam
S: Hem mhaka boreaponn lagonam ,dotor hanv sopnan mista aikotam
Ghor hanvem truck marun moddlam
A: Tem hanv mandun getam
Punn tem artem aslem portem korun dakoitam, tujea witness-ancher patietam

II
S: Him utram tujim aikon sarkom chintnanim buddlam
Mhaka sarkem sang dotor hea kagdacher kitem mhunnlam
A: Tuka salvar korunk artem aslem portem korun ghoddlam
Gaddi passar zatannam, tem ghor tanchem moddlam
Tuvem moddunk nam, tem moddon tuje gaddiecher poddlam

Chorus
S: Hi tuji idear bori, dotor tum toklen sarko ekdom tann
Goyean famad advogad mhunnon tujeo khobro kortat zaite zann
A: Konnam lagim jikonk zainam tosleo kexi jikon hanvem zoddlam maan
Bombay, Delhi-k passun vortat mhaka Goyeam than
Ghe hem kagod ani witness hanchem …
S: Mojer sandd
A: Sarkem xikoi, court-an korit ghann

Dialogue follows:

J: Dotor bab, dotor bab, tum hanga assai? Hanvem tuka bazaran sodlo,
court-in
sodlo; sodun, sodun hanv sarko bejear zalom.
A: Konnank kitem zalam? Mojim bhurgim borim assat mhu?
J: Hoi, hoi dotor.
A: Moji maim bori assa mhu?
J: Hoi, hoi, Devache kurpen tim sogllim borim assant.
A: Tor konnank kitem zalam?
J: Dotor bab ....
A: Tum bhienaka, tum mozo sezari. Hanv Delhi-k passun vochonastannam
ravtolom
punn tuka salvar kortolom.
J: Poi dotor bab ...
A: Sang, sang kitem zalam.
J: Mhaka kaim zavnk nam, punn hanvem mojea jivitan oslem kednanch pollovnk
nam. Konn eklea dovdirean tujea ghoracher truck marun ghorachem nisontton
kelam; ordhem ghor truck-an bhitor assam. Sogllo lok tea driver-ak sodunk
bonvtat punn padd poddlolo driver khuim povon bonvta.
A: Oh my G……o…….d!!!

III
J: Ekdom tuka luskonn zalam tho accident ghoddon
Pulisek sangon dhorun hadd to bonvta khuim pollon
A: Tho driver konn tho atanch mhaka eilem re kollon
Tuvem ghor mojem moddlam!
S: Dotor sangta tuka konn?
Gaddi passar zatannam ghor tujem gaddier poddlam moddon.

Chorus
A: Tuvem sangchem poddtelem ho accident tujech chukin ghoddlo
J: Zalear tum borean suddtolo
S: Ar’re dotoran mhaka adinch soddlo
Ghor apxinch moddlam mhunn tannem document borovn dila edo vhoddlo.
Zalear tum sang guneav mozo?
J: Mojean kainch sango nezo
S: Dotor tum tujeach tonddan fonddan poddlo!




>From Dom’s antique shelf!
Domnic Fernandes
Anjuna/Dhahran, KSA