ADIM ani ATAM

“ADIM ani ATAM”

I
Adim cheddo-cheddum mogan poddtoch, kazar zatoch, mhunno sonvsar tannim kelo
Adim dadlo jetan fuddem cholo, bailo lhollu pattlean oxeo alo
Adim bailo ghovachem nanv ghevunk bhietalim, mhunno amcho zait khuim gelo
Atam ‘Caitan’ mhunnon martat ulo, bailen denknno ghalo, mhunttoch ghov zata
lolo
Atam ‘Caitan’ mhunnon martat ulo, bailen denknno ghalo, mhunttoch ghov zata
lolo

Chorus
Adlim kazaram, hoi chintun roddonk ieta
Atancheo bailo ghovank rokddeoch divorce dita
Gorjechea vellar kombieo soddun amkam veta
Dadle ami kombea baxen sad ghalunk urle puta

II
Adim kazarank kaibore dans nacho - Lancer, Polk, Contradans povpacho
Atam Samba vazoilear nachtat Rumba - makddam baxen dans nhoi to hanspacho
Adim kaido aslo engage korunk, upkar korun ek dans nach mhunn apnnancho
Atam kaido konnankui voddpacho, bailen dans nachpacho ani ghovan mar
khavpacho
Atam kaido konnankui voddpacho, bailen dans nachpacho ani ghovan mar
khavpacho

Chorus
Adleanchem nesop kitem, kosli tanchi chalu
Ap-aple damink vorot Pedru, Ladru, Salu
Nachovpak eilear, ghovak sang mhunn sango Filu
Atam konnanchei bailek ghevn motor chalu

III
Adim bailo ghov Gulfan ghelo mhunntoch, gharan bhosson vatt poitalim
chittichi
Atam bailo ghov Gulfak ghele mhunntoch, zonelar bhosson vatt poitat
cheddeanchi
Adim bail ek, dusreak kednanch bhulonasli, chintun apunn ghorkarn mhunn
ghovachi
Atam bailank bhirant nam Devachi, kumar zata Pedruchi, avoi chovgam
bhurgeanchi
Atam bailank bhirant nam Devachi, kumar zata Pedruchi, avoi chovgam
bhurgeanchi

Chorus
Atanchea bailank sonvoieo zaleat vankddeo
Ghovachea ragan Passporti kortat rokddeo
Arabam borim bonvon bhoreoch ghaltat fugddeo
Moroncheak Goyeam ieatat, zavn sukleleo bokddeo

Here comes the bonus verse and two choruses after the encore:

IV
Adlea tempar kazar zavn ghovan kiteim mhunnot tor, bailo asleo sonsun
vorpacheo
Atam bailo vhoddle zaleat re devchar, ghovan kiteim mhunnot tor zogddim
korpacheo
Avem Goyem ak’kem bonvon pollelam bhavanim, sogleam ganvam poros bailo boreo
Bardezcheo
Punn Bardezan konnui bailo mosteo kortat zalear hanv sozmotam teo mhunn
Ponnjecheo
Punn Bardezan konnui bailo mosteo kortat zalear hanv sozmotam teo mhunn
Ponnjecheo

Chorus
Bhavanim kitem kazar, kovta takach kovta
Bailo atancheo ghovachea ragan Bomboi danvta
Passporti korun Bomboi sarkim jetan danvta
Tankam thuimsor Arab rokddeoch visa ghevun ravta

Chorus
Bhavanim, bailanim adim kaiborem vid sarlam
Dha bhurgeanchi maim distali champeak ek ful ful’lam
Atancheo bailo forak rokddinch voitat korlam
Tea bailank strong poddtat farmacintlim pirlam

__________

M.Boyer sang in 1978 in “DEV NIT” tiatro by the late Conception (of Anthony-Nelson-Conception trio fame) in Mapusa, Bardez, Goa. The song consists of four verses and five choruses instead of the usual 3 verses and 3 choruses.


__________


>From Dom’s antique shelf!
Domnic Fernandes
Anjuna/Dhahran, KSA