NEVILLE D'SOUZA

“NEVILLE D’SOUZA”
Lyrics & Sung by Remmie Colaco



I
Kosloch faido nam, sonvsarant ami marun polki movza
Konnank sonvsarant ravonk mevonam, zanv to kedoi raza
Konnui borem nanv dovrum moromsor ugddas korta porza
Porje sovem nanv dorun gelo khellan Neville D’Souza

Chorus
Hockey ani football, donui khev bore khevtalo
Technique tachi pollovn, lok taka ojeaptalo
To magic aslelea porim gol martalo
Kitleai uxear golik kainch nuim korn fottoitalo

II
Tatache teamink, Neville khevtannam, bhorpur tacho attak
Tache udexim Tata Hockey Team soglleank kori nattak
Thoddoch teomp khevon, Hockey soddun football khevonk gelo xevttak
To soddun vetoch toslo forward azun mevonk nam re Tatak

Chorus
‘Caltex’ mhunn tea tempar, team asli football-achi
Khevon to he teamink, dakoili uxearki apnnanchi
Korun Rovers final-ik hat trick tin golanchi
Tannem poili jikoili civilian team Bomboichi

III
Neville D’Souza Bombaim ravo punn ganvan Assaganvcho
Khellpi uxear mhunn zavn gelo captain borea-borea timincho
Rogtanuch tache soglle familik mog tankam khellacho
Maim-pai sodanch moidanar assot khell pollevnk putacho

Chorus
Portugez astannam, Neville Goyeam khevlolo
Tednam uxear Palmeiro, goalie Goyeam aslolo
Taka fottovn Nevillan gol tacher marlolo
Apnnank fottoilo mhunn Palmeiran hath taka dilolo

IV
1956 footballak Neville hero Olympicacho
Melbournak vochon dakoilo tannem khev Goenkarancho
Ugddas vechonam Australiacher marlelea chear golancho
Khev tacho pollevn lok taka ojeaplo Eropacho

Chorus
Tednam Sir Stanley Rod, President Footballacho
Tannim taka pacharlo, to player mhunn world classicho
To man mevlolo konn nam re Indiecho
Fokot Neville D’Souza put Goa xaracho

_______
A classic song sung by the one and only yesteryear Konkani stage
all rounder – Remmie Colaco. The song should serve as an inspiration to our
soccer players. It was recorded at a tiatro in Mapusa in 1978! In Goa,
‘soccer’ is known as ‘football’; hence, it is referred to as ‘football’ in
the song.


< from Dom’s antique shelf!
Domnic Fernandes
Anjuna/Dhahran, KSA