NEKETR INDIECHEM

NEKETR INDIECHEM"
- Composed and sung by the late Romeo Mendes



SALMAN KHAN: Hanv, Salman Khan, mhaka chodd khoxi bhogta, don utram ulovnk
Konknni bhaxen, Romeo Mendesache cassettir. Tannem hi cassette amchea adlea
somplelea Prime Minister Rajiv Gandhichea ugddasak bhettoilea ani nanv dilam
“NEKETR INDIECHEM” (Star of India). I wish Romeo Mendes all success.

Tumcho soglleancho – Salman Khan.

I

Nineteen forty four vorsa, Indiek neketr udelem
Kallzan ghoribancho mog doiea ghevn, uzvaddan fankarlelem
Nineteen eighty four vorsa, sonvsarak porzoll’lelem
Ninety one Maiache ekvis tarker, ghatkeanim tem paloilem

Chorus
Rajiv tem neketr bhavanim, oxem zait konnem chintlem
Ghoribanchea mogachi nixannim, tacher kallem kup dhamplem
Dukhest khobor aikon, bail-bhurgeank kitem zait bhoglem
Abgathachim chitram potrancher pollovn, porjechem kalliz roddlem

II
Radio TV-cher gazli, ti khobor darunn
Aikon sonvsar kamplo ghat ghetlo mhunn, ostoren bomb lipovn dovrun
Bhaxenn divnk vetalo, avoik nomoskar korun
Konnench chintunk naslem chikann korun, Rajivak uddoit mhunn marun

Chorus
Politics nakach mhunnon, to khuim pilot zalolo
Avoi tachi somplea uprant, politikin haddlolo
Indiecho Prime Minister, taka vinchun kaddlolo
Thoddeach tempan Rajiv Gandhi, world leader zavnk pavlolo

III
Madras vechea poilo, Rajiv Goeam ailolo
Xevttak kherit baxen Goenchea lokak, aplo mog dakoilo
Axea asli porot ievn, magnnim purim kortolo
Punn kotta Madraschea ganvan, sonvsarak adeus kelo

Chorus
Koslem ghatki tem moronn, konnankuch ievnk favonam
Mortannam Devachem nanv ghevnk, taka vogot mevlonam
Ghutt aplea kallzacho, ghorcheank sangonk pavlonam
Hanstem mukamoll tondd tachem, konnankuch pollovnk mevlenam


- Forwarded by Domnic Fernandes
Anjuna/Dhahran, KSA