SCIENTIST

“SCIENTIST”
- by WILMIX (Wilson Mazarello)



I
Eropak ek vhoddlo scientist ravtalo
Subeij xikonk mhunnon to Israelak ghelo
Thuimsor zomni bhitor kitem mevta tem tachem xikop to kortalo
Taka mevlam tem aikon sonvsar ojeap zalo

Chorus
Taka mevlim khuim, pornim addam eka munxeachim
Tim addam khuim, sumar don ozar vorsanchim
Tis ani tin, vorsam aslelea munxeachim
Tachea donui hath-paimanim burak aslet ani borin khunnam aslint bhaleachim
To mhunno dubav nastannam him addam zavnk zai fokot Jezu Kristachim

II
Rokddich khobor hi gazli radio ani TVicher
Scientist-hacho fottu xaplo sogott potrancher
To mhunno konn sangta Jezu jivont zala tachim addam asat zomnicher
To itlo famad mhunntoch konnui dubavonk nam tacher

Chorus
Hi khobor aikon, sogllo Kristanv sonvsar al’lo
Padri-Bispanim, aplo dhorm pasun toddlo
Madri convent soddun, ghara voicho rosto dhorlo
Missionar goribank vavurtalet tannim thuimchea-thuinch goribak soddlo
Kaluch Jezu aplo Dev mhunno to munis aiz Devak visorlo

III
Amcho dhorm khoro ason Jezuchem jivontponn
Tem zainaslem tor tachi porva korinaslo konn
Punn hem sogllem kainch num zavnk pavlem hoi tea scientistak lagon
Punn to morchea vogtar aik kitem ghel’lo sangon

Chorus
Sanglem tannem, aplo nimnno vogot aila mhunn
Sogllem jivit bhor, apunn nanv zoddunk sodi mhunn
Nanv apnnem zoddlem, punn munxeakullak naddun
Tim addam nhoi Jezu Kristachim punn tim hanvench dovorlelim thuim haddun
Hem nimnnem kumsar mhojem zatam hanv Devan bhogxilea puro mhunn

IV
Hi khobor aikonam fuddem suskar soddlo sonvsaran
Kitle Padri-Bisp portun bhitor sorlet dhorman
Madri conventan gheleot misionar porot goribanchea kaman
Apli chukh vollkoli onbhavarti munxean

Chorus
Khori khobor, ti hanvem kaim ghoddunk nam
Igorz-Mathen, kit-kitem kaim bhogunk nam
Koslem hem jivit, zorui Jezu jivont zavnk nam
Ami munxean sanglelem rokddench mandlem punn Devan sanglelem mandunk nam
Ami patki munis Devak sanddtelet punn Devan amkam sanddunk nam
Ami patki munis Devak sanddtelet punn Devan amkam sanddunk nam
Ami patki munis Devak sanddtelet punn Devan amkam sanddunk nam
Ami patki munis Devak sanddtelet punn Devan amkam sanddunk nam

>From Dom’s antique shelf!

Domnic Fernandes (Anjuna/KSA)